Prošeavtta konkrehta sisdoallu lea ásahit ođđa ossodaga Musikk i Finnmark:ui mii galgá láhčit dili ja ovdánahttit musihka mas lea sámi giella ja kultuvra vuođđun. Dát prošeakta lea oassi ovttasbargošiehtadusas gaskkal Sámedikki ja Finnmárkku fylkkagieldda.
Finnmárkku fylkkagielda ja Sámediggi leat soahpan bargat dan ala ásahit etnomusihkkaguovddáža, mii maid lea oassi ovttasbargošiehtadusas.
- Sámediggi háliida áinnas áŋgiruššat ovdánahttit sámi musihka fágalaččat, dadjá sámedikkepresideanta Aili Keskitalo.
Presideanttas lea maid beroštupmi das ahte galgá leat sámi musihkkabiras mii buktá eavttuid go sámi musihka galgá ovdánahttit.
-Finnmárkku fylkkagielddas lea beroštupmi ovdánahttit sámi musihka, ja dát prošeakta sáhttá leat mielde dasa ahte Finnmárku ovdánahttá juoidá mii lea duođai ođđadahkki ja gelddolaš, dadjá fylkkasátnejođiheaddji Kirsti Saxi.