Spiehkastat
Áššebáhpiriid maid sisdoalu muddejit jávohisvuođageaskku mearrádusat, ii sáhte geahččat neahtas. Seamma guoská daid áššebáhpiriidda main lea dakkár sisdoallu maid almmolašvuođalága spiehkastatmearrádusat muddejit. Buot áššebáhpriidda mat eai leat almmolaččat, galgá merket man lága vuođul dat leat eahpealmmolaččat.
Eanetalmmolašvuohta
Dieđut áššebáhpiriid birra mat eai leat almmolaččat, bohtet ovdan váldoáššis almmolaš poastajournálas. Dieinna lágiin sáhtát don Sámedikki arkiivabálvalusa bokte jearrat daid maid beassat geahččat. Almmolašvuođaláhka geatnegahttá hálddašeami árvvoštallat sáhttá go áššebáhpira ollásit dahje belohahkii, bidjat olamuddui vaikko dat lága njuolggadusaid mielde sáhtášii ge leat eahpealmmolaš.
Čoahkkinalmmolašvuohta
Sámedikki bargoortnegis muddejuvvo Sámedikki čoahkkinalmmolašvuohta. Sámedikki dievasčoahkkimat ja lávdegoddečoahkkimat leat váldoáššis rahpasat buohkaide. Sámediggeráđi ja doarjjastivrra čoahkkimat gal leat gitta čoahkkimat.