Almmuhan
Kuhmunen, John-Marcus.
Maŋumustá rievdaduvvon 12.01.2006
Čujuhuvvo gulaskuddamii maid Oahpahus- ja dutkandepartementta (ODD) lea sádden gulaskuddamii ja mas lea gulaskuddanáigemearri 16.01.2006.
Sámediggi lea ráhkadan guokte oidnosa mat sáhttet leat ávkin go addá gulaskuddancealkámuša fága-ja diibmojuohkináššis. Oidnosiin lea dat ođđaevttohus maid ODD lea sádden buohtastuvvon fága- ja diibmojuohkimiin daid mađemus jagiid 1997 rájes. Leat guokte oidnosa. Nubbi čájeha 60 minuvtta diimuid ja nubbi fas nu go ovdal lei 45-minuktasaš skuvladiimmuid.
Oidnosiin oaidná ahte ODD gulaskuddanevttohusas lea
- vuosttašgiealas (sámegielas ja dárogielas) 37 diimmu (48 -45 minuktadiimmu) go O97S
- nuppigielas (sámegielas ja dárogielas 98 diimmu (129-45 minuktadiimmu) go O97S
Komenttain ODD reivves čuožžu ná vierrogiella 2 nuoraidceahkis: Oahppit geat čuvvot oahppoplána man mielde oahpahuvvo sámegillii ja sámegiealas ja geat hálidit beassat vierrogielas 2 ja 3, galget geavahit dán diibmorámma sámegiel, dárogiel- dahje eŋgelasgieloahpaheamis.
Lea deaŧálaš ahte gulaskuddaninstansat mearkkašit ahte čuohžžu dahje, ii čuoččo ja. Dat mearkkaša ahte oahppi ferte válljet juogo vierisgiela dahje čiekŋudeapmi ovtta daid eaárá giellafágain, eai beasa guovtti fágas omd sámegiealas ja dárogielas čiekŋudit. Diibmolohku dan dábalaš oáhapaheapmái dárogielas ja sámegielas lea unniduvvon. Oahppit geain lea sámegiella nubbingiellan, galget árvvoštallan seamma eavttuid mielde go oahppit gean ii leat sámegiella fágan earret siidogielas vaikkos sis lea sullii 1/3 unnit diimmut. Jus oahppi ii vállje vierisgiela, šaddá válljet čiekŋudeame gos galgá oahpahuvvot ja árvvoštallot sierra plána mield. Diimmut gos beassá oahpahallat dan mii gáibiduvvo sámegiella ja dárogiella oahppoplánáin lea unniduvvon.
Dás buohtastuvvo mo diimmut ja fágat leat oahppis geas lea sámegiella ja oahppis geas ii leat sámegiella:
Oahppis geas ii leat sámegiella fágan:
- Dárogiella, čuovvo nášunála oahppoplána (eksamensfága) 1 694 diimmu
- Vierisgiella 2/ sámegielas, dárogiealas dahje eŋgelasgielas čiekŋudeapmi ( das lea árvvoštallan) 227 diimmu
Oahppis geas lea sámegiella nubbingiellan:
- Dárogiella, čuovvo nášunála oahppoplána (eksamensfága) Mearkkaš! Seamma eksamengo oahppit gean ii leat sámegiella fágan, muhto ollu unnit diimmut. 1104 diimmu
- Vierisgiella 2/ sámegielas, dárogiealas dahje eŋgelasgielas čiekŋudeapmi ( das lea árvvoštallan) 227 diimmu
- Sámegiella nubbingiellan (eksamenfága) 737 diimmu