Geavaheaddjiláđis
Neahttabáiki lea teknihka, doaimma ja hámi dáfus hábmejuvvon nu ahte eanemus vejolaš geavaheaddjiin lea vejolašvuohta ja sáhttet ávkkástallat siidduid bálvalusfálaldaiguin ja dieđuiguin. Danne leat neahttasiiddut hábmejuvvon nu gohčoduvvon WAI-njuolggadusaid mielde, Norge.nos kvalitehtaeavttuid vuođul neahtas, ja Sosiála- ja dearvvasvuođadirektoráhta oaivadusa mielde olámutto neahttabáikkiid ektui.
Heivvolašvuohta
Sámedikki neahttasiidduin leat ávkkálaš bálvalusat geavaheaddjiide. Earret eará lea vejolaš geahččat Sámedikki áššebáhpiriid, gulahallat álbmotválljen áirasiiguin ja hálddahusain, das leat elektrovnnalaš skovit ja ohcanvejolašvuođat.
Geavaheaddjit geain leat erenoamáš dárbbut
Neahttasiiddut leat láhččojuvvon čalmmehemiide geat geavahit erenoamášprográmmaid, dávjá gohčoduvvon šearbmalohkkin. Dát ”darvehit” sisdoalu neahttasiiddus dahje prográmmas, ja gaskkustit daid viidáseappot syntehtalaš hupmamin dahje čuokkisčálusin nu gohčoduvvon lohkanlisttus. Šearbmalohkki lea sorjavaš das ahte sisdoallu lea teakstahámis, juogo nu ahte teaksta oidno buohkaide dahje teaksta mii čájehuvvo dušše sidjiide geat dan dárbbašit, ovdamearkka dihte govaid teakstačilgehusat. Dát gáibádus lea ollašuhttojuvvon Sámedikki neahttasiidduin.
Olbmot geain leat lohkanváttisvuođat sáhttet dárbbašit rievdadit čálussturrodaga, teaksta- ja duogášivnniid ja earáláhkai heivehit go dárbbašit buoridit oppalaš lohkanvejolašvuođa. Dát gáibádus lea ollašuhttojuvvon Sámedikki neahttasiidduin.
Muital maid oaivvildat
Jos dus leat mearkkašumit dahje oaivilat neahttabáikki birra ja movt dan sáhtášii buoridit, de čális midjiide dan birra: