Sámi álbmotbeaivi
Sámediggeráđđi oassálastá Sámi álbmotbeaivvi lágidemiin. Sámediggepresideanta Aili Kesktila ávvuda beaivvi Guovdageainnus, gos stuorradiggepresideanta Thorbjørn Jagland oassálastá.
Almmuhan
Kuhmunen, John-Marcus.
Maŋumustá rievdaduvvon 06.02.2006
Presideanta Aili Keskitalo ávvuda beaivvi Guovdageainnus. Doallá sáhkavuoru Sámi allaskuvllas iđđesbeaivvi ja álbmotfeasttas eahkesbeaivvi. Stuorradiggepresideanta Thorbjørn Jagland olbmáidisguin lea su guossin.
Várrepresideanta Johan Mikkel Sara oassálastá lágideamis Leavnnas.
Ráđđelahttu Terje Tretnes doallá sáhkavuoru Sámi joatkkaskuvllas iđđesbeaivvi ja gieldda lágideamis eahkesbeaivvi Kárášjogas.
Ráđđelahttu Radni Skum doalai sáhkavuoru álbmotbeaivvi lágideamis Sáččas (Guovvamánu 4. beaivvi).