Giellabálkkašupmi geigejuvvo juohke nuppi jagi vuoitái Suomas, Ruoŧas, Ruoššas ja/dahje Norggas gii lea bidjan erenoamáš návccaid ovddidit, ovdánahttit dahje seailluhit sámegiela.
Gollegiela - davviriikkalaš sámi giellabálkkašumi leat Norgga, Suoma ja Ruoŧa sámi gažaldagaid ovddasvástideaddji ministarat ja sámediggepresideanttat ásahan. Bálkkašupmi geigejuvvui vuosttaš háve 2004.
Giellabálkkašumi ulbmil
Giellabálkkašumi ulbmil lea ovddidit, ovdánahttit ja seailluhit sámegiela Norggas, Ruoŧas, Suomas ja Ruoššas.
Gii sáhttá bálkkašumi oažžut?
Giellabálkkašupmi galgá juhkkojuvvot oktagaslaš olbmuide, joavkkuide, organisašuvnnaide ja/dahje ásahusaide geat leat bidjan erenoamáš návccaid ovddidit sámegiela čálalaččat, njálmmálaččat dahje eará láhkái. Giellabálkkašupmi sáhttá várrejuvvot iešguđetlágan bargguid vuođul. Bálkkašumi sturrodat lea 12 500 EURO ja sáhttá juhkkojuvvot eanet go ovtta vuoitái.
Evttot kandidahtat!
Giellabálkkašumi kandidáhttan sáhtát evttohit Norgga, Ruoŧa, Suoma ja Ruošša stáhta olbmuid, organisašuvnnaid, ásahusaid ja eiseválddiid. Sii, geain leat kándidahta evttohusat, bovdejuvvojit sáddet evttohusa čálalaččat oktain ákkástallamiin mii sáhttá leat eanemusat 1-2 siiddu.
Áigemearri
Sádde evttohusa ovdal geassemánu 12. b. 2006
Evttohusa sádde:
Gollegiella – Árvvoštallanlávdegotti jođiheaddji
Inger Marie Gaup Eira
Ávžžiluodda 9
N- 9520 GUOVDAGEAIDNU
NORWAY