Sámediggi vuolláičállá ovttasbargošiehtadusa Norgga biebmoruovttuidservviin. Ulbmilin šiehtadusain lea láhčit dili buori biebmoruovttufuolahussii sámi mánáide, gos vuhtiiváldojit máná giella ja kultuvra.
Sámediggi ja Norgga biebmoruovttuidsearvi háliidit ahte ovttasbargu buktá eanet fokusa sámi gillii ja kultuvrii biebmoruovttufuolahusas. Biebmoruovttudoaibmabijut mat leat heivehuvvon sámi gillii ja kultuvrii galget vuoruhuvvot, nu go omd. fuolkebiebmoruovttut.
-Sámi mánát deaivvadit mánáidsuodjalusain mii ii álo nagot váldit vuhtii sin rievtti bajásšaddat iežaset sámi gielain ja kultuvrrain.Mánáid giella ja kultuvraeai deattuhuvvo doarvái go fuolahusmálle válljejuvvo ja dat addá váikkuhusaid máná eallimii.Danin lea dehálaš ahte sámi mánát biddjojit biebmoruovttuide gos máná gielas ja kultuvrras lea lunddolaš sadji, lohká sámediggeráđđi Henrik Olsen.
Olsen lohká viidáseappot ahte Norgga biebmoruovttuidsearvvis leat buorit sáhkaguoddit sámi mánáid biebmoruovttufuolahusa ovddas mat maid vuhtiiváldet sin rievtti seailluhit iežaset giela ja kultuvrra bajásšattadettiin.
Norgga biebmoruovttuidsearvi:
Norgga biebmoruovttuidsearvi lea riikkaviidosaš ja iešheanalaš beroštusorganisašuvdna man ulbmil lea loktet kvalitehta buot dásiin biebmoruovttufuolahusas.
http://www.fosterhjemsforening.no/
Eanet dieđut:Sámediggeráđđi Henrik Olsen, 907 75 219
