Doaibmi presideanta Silje Karine Muotka deaivvada oaivámuš Raoni:n bearjadaga geassemánu 13. b. Oslos. Oaivámuš háliida muitalit diliid birra mat áitet Amazonas arvevuovddi ja sin geat orrot arvevuovddis.
Amazonasálgoálbmogat Oslos
Oaivámuš Raoni Metuktire Boahtá iežas nebiin Megaron Txucarramae Norgii geassemánu 12. b. Soai gullaba Kayapo-álbmogii. Soai olleba Osloi seamma beaivi go Brasilas rahppo spábbačiekčan- máilmmimeasttirgilvu.
Oaivámuš lea máilmmidovddus iežas eallinagi áŋgiruššama dihte suodjalit Amazonas- arvevuovddi ja álgoálbmogiid kultuvrraid arvevuovddis. 1989:s olahii son doarjaga dalá kampánnjii, go son mátkkoštii ovttas Sting:n. Dát mielddisbuvttii ahte Eurohpalaš jođiheaddjit ja G7 čađahedje 1992:s ”Pilot Program to Conserve the Brazilian Rainforest' (PPG7)”. Dat šattai gudneáŋgireamos riikkaidgaskasaš vuolggaheapmi birasgáhttenbarggus.
Oaivámučča nanu áŋgirvuohta
Ulbmil oaivámučča Oslo- reaissuin lea joatkkit bargguin čalmmustahttit rahčama čuollama vuostá Amazonas- arvevuovddi. Viidáseappot lea sávahahtti olahit ollislaš árvvusatnima álgoálbmotvuoigatvuođain ja álgoálbmogiid kultuvrrain arvevuovddis.
- Mun illudan deaivvadit oaivámuš Raoni:in ja gullat movt álgoálbmotvuoigatvuođat váldojit vuhtii Amazonas- guovllus. Šaddá erenoamáš gelddolaš gullat eanet dan birra movt stáhtalaš eiseválddit vuhtiiváldet álgoálbmotguovllu ja kultuvrraid go resurssaviežži gávpevuođđudusat besset ávkkástallat árbevirolaš álgoálbmotguovlluin, lohká Silje Karine Muotka.
Sámediggi áigu muitalit oaivámuš Raoni:i movt mii bargat álgoálbmotvuoigatvuođaiguin ja riikkaidgaskasaš álgoálbmotovttasbarggus.
Oaivámuš deaivvada maid Gonagas Haraldiin bearjadaga.
Čoahkkin lea Birasviesus ja lea Arvevuovddefoanda mii oktiiheiveha prográmma oaivámuš Raoni guossástallamis Oslos.
Oktavuođaolmmoš:
doaibmi presideanta Silje Karine Muotka, tlf 984 87 576.