Sámediggi sávvá buohkaide geain lea beroštupmi sámi kulturealáhusain bures boahtima konferánsii Áltái cuoŋománu 28. – 29. beivviid. Dát lea gelddolaš arena gos kulturealáhusaktevrrat sáhttet guorahallat oktasaš áššečuolmmaid ja viežžat inspirašuvnna doaimmahit kulturealáhusfitnodaga. Prográmmas leat fokusis earret eará Etihkka, Business ja ođđa kulturealáhusmárkanat.
Sáhkavuoruid dollet Siw Boine (epla.no), Lena Viltok (Viltok design), Fredrik Forsman (KOFOR), Anja Graven (Graveniid), Reni Wright ja Kjell Olsen (UiT). Sámediggi, Innovašuvdna Norga ja Seastinbáŋkku Davvi-Norgga vuođđudus leat mielde muitaleamen ortnegiiddiset birra kulturealáhusaid várás.
Konferánsa dollojuvvo Thon hoteallas Álttás. Konferánsadivat lea 500 ru ja dasa gullá lunša goappašiid beivviid ja mállásat maŋŋebárgga eahkedis.
Fuomáš! Dieđihanáigemearri lea 13.04.2015. Jos dieđihat maŋŋá dán áiggi de lea dieđihandivat 700 ru.
For påmelding ta kontakt med Berg-Hansen Kirkenes v/Lena Bangsund, telefon 78 97 00 50.
Prográmma
1. BEAIVI:
Sisačáliheapmi dii. 10 rájes
Lunša dii. 11 rájes
12.00: Sámediggeráđđi Silje Karine Muotka sávvá bures boahtima
ETIHKKA
Digaštallan: Maid sáhttá vuovdit?
KULTUVRA BUSINESS VÁRÁS
Digaštallan: Mo lasihit kulturealáhusa?
RUĐAT KULTUREALÁHUSSII
Digaštallan: Evttohusat ja cealkámušat sálas
18.00: Loahpaheapmi
19.00: Mállásat ja servvoštallan
2. BEAIVI:
29.04 dii 09.00 – 12.00
OĐĐA MÁRKANAT
Lea vejolašvuohta buktit evttohusaid ja cealkámušaid Sámedikki áŋgiruššamii kulturealáhusain
12.00 Lunša