Statistihkka čájeha movt Sámediggi lea juolludan ruđaid prošeavttaide ja doaibmaortnegiidda maŋemuš golbma jagi gitta geassemánu 2017:i rádjai. Logut leat vižžon Sámedikki doarjjaregisteris Accessas.
Statistihkka lea juhkon guđa oassái. Juohke oassi lea de juhkkon golmma oassái, okta oassi čájeha obbalaš juolludemiid, nubbi oassi čájeha njuolggodoarjagiid, ja goalmmát oassi čájeha ohcanvuđot doarjagiid. Obbalaš juolludeamit sisttisdoallá njuolggodoarjagiid, ohcanvuđot doarjagiid, šiehtadusaid ja prošeavttaid.
Mii leat válljen deattuhit giela, kultuvrra, mánáidgárddi, vuođđooahpahus ja ealáhusaid. Dáin surggiin leat stuorámus doarjjaortnegat.
Dán publikašuvnna lea Sámedikki hálddahus hábmen. Plána viidáset lea ahte Sámediggi almmuha statistihkka juohke jahkebeali, dat mearkkaša ahte boahtte almmuheapmi lea njukčamánus 2018:s. Dokumeanta lea guovtti gillii, davvisámegillii ja dárogillii.
Gulahallanolmmoš: Fágajođiheddji bušeahtta ja ovttastahttin sekšuvnnas, Veslemøy Dahl, tel. 78 47 41 07