Sametingets eldrepolitisker redegjørelse.docx 44,27 kB
Sámediggeráđđi lea nammadan ođđa vuorrasiidráđi. Ráđđeláhttu Henrik Olsen lohka ahte vuorrasiidráđđi galgá leat mielde hábmeme sámedikki vuorrasiidpolitihka.
Ođđa vuorrasiidráđis leat:
Inga Karlsen, Ajluokta
Jonhild Joma, Trones
Hánssa-Jon Ovllá - Olaf Hansen, Deatnu
Berit Ellen Nikkinen Varsi, Kárášjohka
Kåre Eriksen, Omasvuotna
Sadjásaš áirasat leat
Morten Danielsen, Snoasa
Kristine Julie Eira, Guovdageaidnu
Berit Anna Gaup, Álta
Synnøve Brevik, Slemmestad
Ingolf Kvandahl
Dehálaš orgána
Sámediggeráđi lahtu Henrik Olsen lohka Sámedikki vuorrasiidráđđi lea Sámediggeráđi ráđđeaddi orgána ja galgá leat veahkkin Sámediggái hábmet Sámedikki vuorrasiidpolitihka.
-Vuorasolbmot leat dehálaš resurssat servodagas, ja dan dihte lea lunddolaš ahte sii bovdejuvvojit leat mielde hábmeme boahtteáigge sámi servodaga, dadjá Henrik Olsen.
Vuorrasiidráđi mandáhtta lea:
Vuorrasiidráđđi bovdejuvvo buktit cealkámušaid dieđáhusaide, plánaide ja čilgehusaide iešguđet fágasurggiin maid sámediggeráđđi pláne ráhkadit.
Vuorrasiidráđđi sáhttá ieš maid loktet áššiid Sámediggeráđđái
Jus vuorrasiidráđđi háliida buktit áššiid earáide go sámediggeráđđái, de dat galgá dáhpáhuvvat dainna leagiin ahte čielgasit boahtá ovdan ahte dát lea vuorrasiidráđi cealkámuš.
Eanet dieđut:
Sámediggeráđi lahttu Henrik Olsen, 907 75 219
Čoahkkingirji:
Sametingets eldreråd Møtebok 02-12.doc 107,00 kB
Čoahkkingirji 01 13 - Møtebok 01 13.doc 109,50 kB
2014
Møtebok 0114 Čoahkkingirji 0114.pdf 258,98 kB
Møtebok 0214 Čoahkkingirji 0214.pdf 337,64 kB
Møtebok 0314 Čoahkkingirji 0314.pdf 480,68 kB
Várrepresideanta ja sámi vuorrasiidráđi jođiheaddji deaivvadeaba Gonagasain
Várrepresideanta Laila Susanne Vars ja Sámedikki vuorrasiidráđi jođiheaddji Inga Karlsen beassaba deaivvadit Majestehtalaš Gonagasain bearjadaga ođđajagimánu 11. b. 2013.
- Sámediggi háliida čalmmustahttit sámi vuorrasiid eallindili gávpogiin ja giliin, ja danne háliidii Sámediggeráđđi ja Sámedikki vuorrasiidráđđi deaivvadit Majestehtalaš Gonagasain muitalit dan barggu birra maid Sámediggi dál čađaha sámi vuorrasiid ovddas, dadjá Sámedikki várrepresideanta Laila Susanne Vars.
Sámedikki vuorrasiidráđđi ásahuvvui 2012:s ja das leat iešguđet sámi giellaguovlluid ovddasteaddjit.
Sámediggeráđđi háliida deattuhit dan buori barggu mii dál čađahuvvo miehtá riikka sihkkarastin dihtii sámi vuorrasiidda buoret eallindili, vejolašvuođa orrut ruovttus ja vejolašvuođa oažžut bálvalusaid sámegillii boarrásiidsiiddain ja buohcceviesuin.
- Gonagasa viesus lea erenoamáš sadji ollu sápmelaččaid váimmuin, erenoamážit vuorrasiid váimmuin. Gonagas deattuhii ođđajagisártnistis ahte mis lea buohkain ovddasvástádus geavahit resurssaideamet buoremus lági mielde ja doaibmat buoremus lági mielde buorrin oktavuhtii. Sámi vuorrasat leat ge deaŧalaš resursaolbmot sámi servodahkii, sin áŋgiruššan sámi giela ja kultuvrra ovddidemiin lea hui mávssolaš, ja danne illudahttá ge go mii beassat deaivvadit Majestehtalaš Gonagasain, dadjá várrepresideanta Laila Susanne Vars.
Sámediggi lea álggahan máŋga ođđa doaibmabiju dainna ulbmiliin ahte buoridit sámi vuorrasiid eallindili, dás maiddái deaivvademiid sámi vuorrasiid várás, dearvvašvuođa- ja eará bálvalusaid sámegielat vuorrasiid várás, lohkan- ja čállinveahki daid sámi vuorrasiid várás, geat eai hálddaš dárogiela ja dorjon deaivvadanbáikkiid sámi mánáid ja vuorrasiid várás.
- Mii oaidnit hástalusaid muhto maiddái ollu vejolašvuođaid buorideamis fálaldagaid sámegiela vuorrasiidda dahje vuorrasiidda geain lea sámi kulturduogáš, go sii deaivvadit dáža dearvvašvuođalágádusain ja eará almmolaš hálddašemiin mat eai hálddaš sámi giela ja kultuvrra. Min mielas lea hui deaŧalaš ahte buot riikka vuorrasiin, maiddái sámi vuorrasiin, galgá leat gelbbolaš vuorasvuohta, cealká várrepresideanta Laila Susanne Vars.
Gulahallit:
Sámedikki várrepresideanta Laila Susanne Vars, tel. 977 54 102
Sámedikki vuorrasiidráđi jođiheaddji Inga Karlsen, tel. 915 72 720
Innlegg - Audiens på Slottet.pdf 222,24 kB
Sámedikki vuorrasiidráđis lea deaivvadan sámi vuorrasiiguin Oslos
Sámedikki vuorrasiidráđis lea leamaš ollu doaimmat mannan vahkus Oslos. Vuorrasiidráđđi deaivvai earret eará sámi vuorrasiid, Stáhta seniorráđi ja Oslo gieldda gávpotráđi vuorrasiid várás.
- Mii háliidit ahte Oslo sámi vuorrasiin galgá leat gelbbolaš boarisvuohta. Dat mearkkaša dakkár boarisvuohta mas vuorrasiid gielas ja kultuvrras lea guovddážis, cealká Sámedikki vuorrasiidráđi jođiheaddji, Inga Karlsen.
Sámedikki vuorrasiidráđi sáttasátni lea čielggas: Buot buorit fámut fertejit ovttas addi Oslo sámi vuorrasiidda gelbbolaš boarisvuođa.
- Oslo vuorrasiin ferte leat vejolašvuohta geavahit iežaset giela go sii dárbbašit veahki. Ferte maid láhččojuvvot dasa ahte sámi vuorrasat ožžot deaivvadanbáikki. Dan mii leat muitalan sihke Oslo gildii ja Stáhta seniorráđđái mannan vahkkus, cealká Inga Karlsen viidáseappot.
Son čujuha loahpas dasa ahte Sámi vuorrasiidráđi mielas sis leat leamaš positiiva čoahkkimat iešguđet beliiguin, mas sin oaidnu lea ožžon stuorra doarjaga.
Gulahalli:
Sámedikki vuorrasiidráđi jođiheaddji, Inga Karlsen.
