Sámi lohkkit háliidit eanet girjjiid sámegillii mat geasuhit nuoraid. Danne álggahit Sámediggi, Sámi Girječálliid Searvi (SGS) ja Sámi dáiddárráđđi (SDR) čállioahpu mii galgá movttiidahttit nuorra čálliid čállit sámegillii.
Prošeavtta mihttomearri lea rekrutteret uhcimusat vihtta nuorra čálli čállit sámegillii. čállioahppu bistá guokte jagi, dávjjes fierpmádatčoahkkimiiguin, čállinsemináraiguin ja bagademiin hárjánan čálliid ja fágaolbmuid bealis.
Sámediggeráđđi Henrik Olsen dadjá ahte čállioahppu galgá vuosttažettiin ovddidit čállindoaimma, ja loktet boahttevaš čálliid girjjálašvuođa gelbbolašvuođa.
-Oassálastit galget ovddidit sin girjjálaš ja dáiddalaš diehtomielalašvuođa, ja háhkat čállifágalaš gelbbolašvuođa vai sis lea buoret vejolašvuohta čállit mánusiid ja doaimmahit čállifidnu boahtteáiggis, dadjá sámediggeráđđi Henrik Olsen.
Prošeavtta mihttomearri lea:
Oassemihttomearit:
Sisaváldingáibádus
Sisaváldin čálliohppui dahkkojuvvo sisasáddejuvvon teavstta vuođul ja čilgehusa vuođul manne háliida oassálastit.
Ohcci galgá sáddet sisa sullii 10 siidosaš teavstta. Teaksta ii galgga leat almmuhuvvon ovdal. Ohcci galgá maiddái muitalit iežas čállinhárjáneami birra ja manne son háliida álgit ohppui.
Sámi girječálliidsearvi (SGS), prošeaktajođiheaddji ja Sámedikki hálddahusbargi válljejit prošeavtta oassálastiid.
Prošeaktajođiheaddji lea Pia Juuso. Sámi girječálliidsearvvis lea ovddasvástádus oahpu fágalaš sisdoalus.
Ohcanáigemearri almmuhuvvo maŋŋeleppos
Eanet dieđuid addiba: Vivian Aira, 784 74 167, vivian.aira@samediggi.noja Brita Kåven, 480 75 174, brita@samidaiddar.no
Kommentáraid addá: Sámediggeráđđi Henrik Olsen, 907 75 219