Dovddus Binttá goavddis lea okta dain historjjálaš kulturdávviriin mii sáhttá máhcahuvvot sámi museaide Bååstede-prošeavtta oktavuođas.
Máŋga čuohte jagi leat dutkit ja miššonearat čohkken sámi kulturdávviriid. Binttá goavddis Helgelánddas sáhtá máhcahuvvot Saemien Sijtii Snoasai.
Binttá goavddis lea okta dain buoremusat vurkejuvvon goavdásiin mat leat ain áimmuin.
-Das ahte oažžut ruovttoluotta goavdása sámi opmodahkan lea hui stuorra govastalaš árvu. Goavdásat leat leamaš deaŧalaččat árbevirolaš sámi oskkus das ahte viežžat dieđuid boahtteáiggi birra, dadje sámediggeráđđi Henrik Olsen. Dál leat vel dušše moadde goavdása áimmuin, ii oktage sámiaiggátvuođas, ja danne mii leat ilus go goavddis máhcahuvvo, dadjá Olsen.
Loga eanet goavdása birra dás: https://no.wikipedia.org/wiki/Bindalstromma
Váldit historjjá ruovttoluotta
Jagis 2012 vuolláičálii Sámediggi šiehtadusa Norgga álbmotmuseain ja kulturhistorjjálaš museain das ahte oažžut máhcahuvvot badjel 2000 historjjálaš dávvira sámi museaide.
http://www.sametinget.no/Kalender/Signering-av-avtale
http://www.sametinget.no/Arkiv/Valgperiode-2009-2013/Artikler/Samisk-kulturarv
Váilevaš ruhtadeapmi
Sámediggi lea máŋggaid jagiid bivdán Norgga eiseválddiid ruhtadit máhcaheami. Sámi museain eai leat dál ekonomalaš resurssat, teknihkalaš konserváhtorgelbbolašvuohta ja lanjat gosa vurket dáid dávviriid.
-Mii galgat ieža sáhttit hálddašit iežamet kulturárbbi. Dat riekti mis lea álgoálbmogin. Danne fertejit eiseválddit juolludit doarvái ekonomalaš resurssaid sámi kulturárbbi máhcaheapmái Norgga álbmotmuseas ja kulturhistorjjálaš museas (UiO), dadjá sámediggeráđđi Henrik Olsen.
Dievasčoahkkin meannuda ášši duorastaga čakčamánu 24. d. maŋŋá dii. 15.00.
Dá leat áššebáhpárat: http://innsyn.e-kommune.no/innsyn_sametinget_norsk/wfinnsyn.ashx?