Sámi luottat
Gávdne ollu ođđa sámi kulturmuittuid, nu go boazosámi goahtesajiid, dáktečiegáid, áliid, čiegusrávarokkiid ja bálvvossajiid. 2010 rájes leat dáin várreguovlluin registrerejuvvon oktiibuot 103 ođđa kulturmuittu.
Kulturmuittut Ilfjellet nammasaš váris
Ilfjellet guovllus registrerejedje 35 kulturmuittu, mas eatnašat ledje duohko dákko luottat ođđasat áiggi geassesadjedoalus ja olgoáibmodoaimmain. Dat mii hirpmástuhtii registrerejeddjiid eanemusat, lei ahte sii eai gávdnan dáktečiegáid ja dušše ovtta mii eahpitkeahttá lei čiegusrávaroggi. Dakkár kulturmuittut leat hui ollu mátta ja nuortta bealde Ilfjellet. Eanemus gávdnosat ledje galbmagáldut ja áldduid bahččin sajit. Galbmagáldut leat vurkensajit čázis gos mielki bisui galmmasin.
Geađgeriekkis
Geađgeriekkis registrerejuvvui man čađamihttu lei 5 mehtera muhto dan doaimma eat dieđe sihkkarit. Arkeologa Erik Nordberg oaivvilda ahte ráhkadus ii leat čilla, muhto ahte dat sáhttá leat sámi bálvvossadji. 2016 mannosaš nákkosgirjjis lea Marte Spangen árvalan ahte dakkár geađgerieggát sáhttet leat gumpebivdima várás, ja maŋŋá šaddan bassi sadjin.
Vuoššanroggi
Vuoššanroggi mii lea karbonaáigemeroštallojuvvon čájehuvvojit leat 300-200 jagiin ovdal Kristusa. Guhkedáleš rokkis lea boldojuvvon geađggit, boldojuvvon sáttu ja činat. Vuoššanroggi geavahuvvui borramušráhkadeapmái. Go geađggit báhkkanedje, de dohko sáhtii bidjat borramuša lasttaid ja bessiid siste, ja gokčat rokki lavnnjiin. Dát borramušráhkadanvuohki lea dovddu ollu kultuvrrain miehtá máilmmi.
