Oahpahuslágas § 6-4. Oahpahusa sisdoallu čuožžu ná: Oahppoplánaid láhkaásahusain § 2-3 ja § 3-4 lea gáibádus ahte galgá oahpahuvvot sámi álbmoga birra ja dán álbmoga giela, kultuvrra ja servodateallima birra iešguđet fágasurggiid oktavuođas. Buot skuvllat Norggas galget oahpahit sámi áššiid birra.
Dát mearkkaša ahte buot vuođđoskuvllat ja joatkkaskuvllat Norggas leat geatnegahtton oahpahit sápmelaččaid ja sámi diliid birra. Oahpahusdirektoráhtta lea ráhkadan Gávnos, mii lea bagadus oahpaheddjiide sámi sisdoalu oahpaheapmái skuvllas.
Buot vuođđoskuvllat sámegiela hálddašanguovllus, vuođđoskuvllat sámi suohkaniin, leat sámi skuvllat. Olggobeale hálddašanguovllus definerejuvvo skuvla mii addá sámegillii oahpahusa sámi skuvlan. Sámi skuvla galgá láhčit dili nu ahte oahppit ožžot oahpahusa mas sámi árvvut ja sámegiella, sámi kultuvra ja servodateallin lea vuođđun. Oahppit galget oažžut oahpahusa sámi, parallealla ja seammaárvosaš oahppoplánaid vuođul main lea nannosat sámi sisdoallu daid dábálaš Norgga oahppoplánaid ektui.