Doarjjaortnega mihttomearri:
Sámi berošteddjiin ja vuoigatvuođalaččain lea duohta vejolašvuohta beassat konsultašuvnnaide vai besset ovddalgihtii dieđuid vuođul addit friija mieđiheami plánaide ja doaibmabijuide areála- ja resursahálddašeami oktavuođas.
Masa sáhttá ohcat doarjaga:
- Prošeavttat ja doaibmabijut maid ulbmil lea addit juridihkalaš veahki sámi vuoigatvuođalaččaide dakkár áššiin maid ferte loktet duopmostuoluide ja main lea prinsihpalaš mihtilmasvuohta das mii guoská eana- ja resursavuoigatvuođaid fuolaheapmái.
- Prošeavttat ja doaibmabijut mat čatnasit bagadeapmái ja ovdaiskkademiide dan oktavuođas go áigot rievttálaččat gáibidit oktasaš vuoigatvuođaid Finnmárkokommišuvnna ektui, dás maiddái vuoigatvuođaid mearra- ja vuotnaguovlluid bivdosajiide.
- Fierpmádagat ja organisašuvnnat mat barget eana- ja resursavuoigatvuođaid dohkkehemiin olggobealde Finnmárkku (Sámi vuoigatvuođalávdegoddi).
Gii sáhttá ohcat:
Organisašuvnnat ja ásahusat main ulbmilin lea ovddastit ja áimmahuššat sámi vuoigatvuođalaččaid beroštumiid ja vuoigatvuođaid eatnamiid ja resurssaid hálddašeamis, geavaheamis ja gáhttemis.
Ná ollu doarjaga sáhttá fitnet:
Eanemus doarjja lea doarjjaortnega bajit rámma.
Gáibádusat ohcamii:
- Sámedikki digitála ohcanskovvi galgá geavahuvvot.
- Ohcamat mat eai ollašuhte ohcaneavttuid, hilgojuvvojit.
Eambbo dieđuid gávnnat ohcanskovis ja doarjjanjuolggadusain.
Gulahallanolmmoš: Ráđđeaddi Petter Tretnes Hansen, 78 47 41 12, Petter.Tretnes.Hansen@samediggi.no