Sámediggi doarju evttohusa ahte ođđasis organiseret Internašunála Sámi Filbmaguovddáža Guovdageainnus Riikkaidgaskasaš Sámi Filbmainstituhttan.
Cuoŋománu 7.b. doallá Internašunála Sámi Filbmaguovddáš Guovdageainnus liige váldočoahkkima. Guovdageainnus Riikkaidgaskasaš Sámi Filbmaguovddáš
Den 07.april holder Internasjonalt Samisk Filmsenter i Kautokeino ekstraordinær generalforsamling. Internašunála Sámi Filbmaguovddáš Guovdageainnus ásahuvvui jagis 2009, ja galgá dál ođđasis organiserejuvvot filbmainstituhttan.
Sámediggeráđđi Henrik Olsen dadjá ahte Sámediggi galgá fárrui eaiggátbealde ođđa riikkaidgaskasaš sámi filbmainstituhttii ja dainna lágiin doarjut davviriikkalaš sámi filbmabuvttadeami ovddidanbarggu.
-Sámi filbma lea deaŧalaš dasa ahte nannet sámegiela ja sámi kultuvrra, ja danne háliida Sámediggi leat mielde nannemin sámi oanehis-, dokumentára- ja guhkesfilmmaid ovddidanbarggu, sihke kvalitehta ja kvantitehta dáfus, dadjá ráđđelahttu Henrik Olsen.Riikkaidgaskasaš sámi filbmainstituhtta šaddá deaŧalaš reaidun dán bargui, dadjá Olsen.
Sámediggeráđđi Henrik Olsen dadjá ahte go Sámi Filbmaguovddáš Guovdageainnus rievdada riikkaidgaskasaš sámi filbmainstituhttan, de lea stuorát vejolašvuohta oažžu instituhta bargui riikkaidgaskasaš ruhtadeami.
-Mii sávvat nannoset davviriikkalaš ovttasbarggu sámi filbmabuvttadeamis boahtteáiggis. Min mihttomearri lea sihkkarastit ahte sámi álbmot oažžu buorre ja govda filbma- ja dokumentárafálaldaga iežamet gillii, dadjá Olsen. Erenoamáš deaŧalaš lea ahte mii oažžut eanet filmmaid mánáid ja nuoraid várás.
Eanet dieđuid addá:Sámediggeráđđi Henrik Olsen, 907 75 219
Loga eanet:http://www.isf.as/