![](/share/icons/crystal/16x16/mimetypes/pdf.png)
Mánát ja nuorat dain čieža álgoálbmotguovlluin bovdejuvvojit sáddet gova iežaset niehkobarttas.
Oktasaš buvtta čájehuvvo álgoálbmotkonferánssa áiggi: ÁLTÁ 2013. 800 guossi miehtá máilmmi bohtet davás oassálastit konferánssas mas álgoálbmogat ráhkkanit ON máilmmi álgoálbmotkonferánsii.
Duogáš
800 máná Finnmárkkus ja Frankriikkas leat juo searvan dáiddaprošektii mii lea čájehuvvon Frankriikkas. Dáiddárat Josée Coquelin ja Laila Kolostyák leaba jođihan dan. Prošeakta viiddiduvvo ja dál bovdet mánáid ja nuoraid miehta máilmmi sáddet govaid.
Govat biddjojit de oktasaš čájáhussan álgoálbmot konferánssas ja dainna sávvat buohkaide bures boahtima.
Fáddá
Mii dárbbašit buohkat suoji, oadjebasvuođa, dohkkejumi ja gullevašvuođa. Suodji gokčá min vuođđodárbbuid.
Gaskaboddosaš suodji heajos dálkkis.
Mánnávuođas orrunbáiki.
Ráhkaduvvon vaikko makkár ávdnasis.
Buot dálkkádagain .
Min vuosttaš jurdda ruovttus.
Barta bidjá min niegadit.
Mánát ja nuorat bovdejuvvojit hutkat govaid dain fáttain.
Oaččut ráhkadit gova mas áiggut. Govva galgá leat 15 cm x 15 cm
Áigemearri sáddet lea 26.4. 2013
Sádde govaid deike: ÁLTÁ 2013 ved Mari Bottolfsen, Alta videregående skole, Skoleveien 15, 9510 Alta, Norge.
Illudit oaidnit du gova ja giitit ovddalgihtii