Suoidnemánu 5. beaivvi leat 100-jagi ávvudoalut muittašettiin sámiid vuosttaš riikačoahkkima Deanus 1919, ja 2019 álgoálbmotgiellajagi ávvudeapmi, ja dasto 2019 luossajagi ávvudeapmi.
Dan oktavuođas lea seminára "Sámepolitihkka ja sámi vuoigatvuođat álgoálbmot geahčastagas álgoálbmotgiellajagis" Deanu birasviesus, Deanušaldis dii. 09.00-15.30, gos sámediggepresideanta Aili Keskitalo doallá logaldallama dii. 09.05-09.30.
Rabas buohkaide.
Seminára prográmma:
09.00-09.05: Buresboahtin.
09.05-09.30: Sámediggepresideanta Aili Keskitalo: Álgoálbmotgiellajahki ja sámegiela hástalusat riikkadásis.
09.30-09.50: Unjárgga gieldda giellaguovddáža jođiheaddji Jaane Juuso: Hástalusat báikkálaš dásis.
09.50-10.10: Prof. Harald Gaski, Tromssa universitehta: Sámegiela dilli buohtastahttojuvvon eará álgoálbmogiid gielladiliin.
10.10-10.30: Njulget selggiid, vanahat julggiid ja jugistat káfe dahje teaja
10.30-11.00: Prof. Ivar Bjørklund, Tromssa universitehta: Troandimis Detnui – sámepolitihkka historjjálaš ja áigeguovdilis geahčastagas.
11.00-11.30: Prof. Øyvind Ravna, UiT: Sámi vuoigatvuođat álgoálbmotrivttiid ja maŋimuš áiggiid alimusriekteduomuid ektui Norggas.
11.30-12.00: Historihkkár, Dr. Philos Steinar Pedersen, Deanus: Sámi riektedilit vássán čuohtejagis maŋŋil 1919.
12.00-12.30: Ságastallan
12.30-13.30: Borran
13.30-14.00: Dutkanprofessor Rauna Kuokkanen, Lappi universitehtas, Roavvenjárggas: Sámi iešmearrideapmi árvvoštallojuvvon álgoálbmot dutkama ja vásáhusaid vuođul Davviriikkain ja Kanadas.
14.00-14.30: Vuotnaguolástuslávdegotti jođiheaddji ja ovddeš guolástusministtar Helga Pedersen, Deanus: Mearrasámiid vuoigatvuođat ja báikkálaš iešmearrideapmi.
14.30-15.00: Ságastallan ja loahpaheapmi