Rádjelovssat rádjariikkas
Prošeakta lea earret eará buvttihan girjealmmuheami Grenselos i grenseland, sámi rádjelovssaid birra. Maiddái kulturmuitobálggis lea ráhkaduvvon maid mátkeealáhusaktevrrat sáhttet geavahit. Prošeavttas deattuhuvvojedje kulturmuittut muhtun rádjebálgáin Ruŧŧii mat geavahuvvojedje nuppi máilmmisoađi áigge. Ruvtto lei oassi rádjebálgás. Rádjebálggis manná Slábavuonas Rijtemii. Bálggis lea merkejuvvon geađgemearkkaiguin ja galbbaiguin. Bálgá guoras leat guokte bartta main lea vejolaš idjadit.
Kulturmuittut bálgá guoras
Bálgá guoras sáhttá oaidnit duiskka váktaskajáid, mášenbissosajádagaid, ráhpáid eatnamis ja geađgemuvrraid. Golbma diehtojuohkingalbba leat ceggejuvvon. Galbbat leat Slábavuonas, Áhkájávrris ja vuoiŋŋastanskajá luhtte Røysvatnet nammasaš jávrri luhtte.
Digitála muitalusat
Gihpa lea buvttaduvvon soahtemuitobálgá birra. Prošeavtta bokte buvttaduvvui 2015:s johttičájáhus mii lea leamaš gierdomátkkis. Digitála muitalusat leat maiddái buvttaduvvon ja gaskkustuvvon.