Ohcanáigemearri: 30.04.2020 23:59
Ohcanáigemearri:
- Ohcanáigemearri ohppiide giđđalohkanbajis lea cuoŋománu 30. b.
- Ohcanáigemearri ohppiide čakčalohkanbajis lea golggotmánu 1. b
Geat sáhttet ohcat stipeandda:
- Studeanttat Norgga allaskuvllain ja universitehtain mat leat álbmotregistrerejuvvon Norggas, ja váldet alit oahpu lullisámegielas dahje julevsámegielas Norggas dehe Ruoŧas.
- Márkosámi guovllu studeanttat mat leat álbmotregistrerejuvvon Norggas, ja váldet alit oahpu sámegielas Norgga dehe Ruoŧa allaskuvllain ja universitehtain.
- Studeanttat mat eai leat álbmotregistrerejuvvon Norggas, muhto leat studeanttat Norgga allaskuvllain ja universitehtain vuoruhuvvon oahpus
Stipeandda sturrodat:
- Master- dahje bachelordássi lohkanbaji nammii: kr 15 000
- Unnimusat 30 oahppočuoggá lohkanbaji nammii: kr 15 000
- Gaskal 15 ja 29 oahppočuoggá lohkanbaji nammii: kr 10 000
- Gaskal 10 ja 14 oahppočuoggá lohkanbaji nammii: kr 5 000
Ohcanskovvi:
- Sámedikki digitála ohcanskovvi galgá geavahuvvot.
Ohcanskovvi ohcciide geat eai leat Norgga álbmotregistaris:
- Ohcci gii ii leat Norgga álbmotregistaris, ferte ieš váldit oktavuođa Sámedikkiin oažžun dihtii sierra ohcanskovi.
- Vuolláičállon ohcanskovvi galgá sáddejuvvot e-poastta bokte ovdal ohcanáigemeari - giđđalohkanbadji cuoŋománu 1. b. ja čakčalohkanbadji golggotmánu 1. b.
Duođaštus mii galgá čuovvut ohcama:
- Duođaštus das ahte leat studeanta dan oahpus masa ozat stipeandda, ja man galle oahppočuoggás áiggut váldit eksámena.
- Duođaštus das ahte leat máksán oahppobadjedivada oahppobadjái masa ohcan guoská.
Raporteren:
Alit oahpu stipeandda njuolggadusain leat sierra mearrádusat mat gusket raporteremii, bearráigehččui, doarjaga ruovttoluotta máksimii ja sihkkumii. Doppe čuožžu earret eará:
- Galgá buktojuvvot duođaštus čađahuvvon eksámenis, giđđalohkanbajis maŋimuštá golggotmánu 1. b. bušeahttajagis.
- Galgá buktojuvvot duođaštus čađahuvvon eksámenis, čakčalohkanbajis maŋimuštá guovvamánu 1. b. čuovvovaš bušeahttajagis.
Eksámenduođaštus sáddejuvvo: samediggi@samediggi.no
Eambbo dieđuid stipeandda eavttuid birra:
Geahča stipeandda njuolggadusaid.
Gulahallanolmmoš:
Anne Marie Hætta, tlf. 78 48 42 58