Stipeanda ja doarjja
Árbediehtu ja sámi meahcástan vuođđoskuvllas
Ohcanáigemearri: 01.03.2016
Doarjja árbevirolaš máhttui ja sámi meahcásteapmái vuođđoskuvllas
Gii sáhttá oažžut doarjaga: Vuođđoskuvllat gos oahppit ožžot oahpahusa sámegielas.
Masa sáhttá oažžut doarjaga: Sáhttá oažžut doarjaga prošeavttaide vuođđoskuvllas mat ovdánahttet sámi giela, identitehta ja árbedieđu fievrrideami. Doarjut oahpahusprošeavttaid main lea ulbmilin árbevirolaš sámi luondduávkkástallama fievrrideapmi, ja duodjeprošeavttaid main lea árbedieđu fievrrideapmi ja sámegiela nannen ulbmilin.
Sámediggi juolluda doarjaga konkrehta prošeavttaide gos vuođđoskuvlla oahppit ohppet sámi árbedieđu, ja prošeavttaide gos árbediehtu šaddá oassin skuvlla báikkálaš oahppoplánaide.
2016 vuoruheamit:
- Duodji
- Árbevirolaš bivdu ja guolásteapmi
- Árbevirolaš biebmoháhkan ja biebmoráhkadeapmi
- Juoigan ja muitalusat
Stipeanda ohppiide geain lea sámegiella joatkkaskuvlla fágasuorggis
Sámediggi lea 2016 rájes geavahišgoahtán stipendii elektrovnnalaš ohcanskoviid. Ohcamiid sáhttá sáddegoahttit ođđajagimánu 18. beaivvi rájes.
Fuomáš! Jus ohcci lea vuollel 18. jagi, de ferte ohcan sáddejuvvot váhnema/ovddasteaddji “ID-portalen” bokte.
Gii sáhttá ohcat stipeandda?
- Joatkkaskuvllaid ollesáiggeoahppit geain lea sámegiella fágasuorggis.
- Joatkkaskuvllaid oasseáiggeoahppit geain lea sámegiella fágasuorggis.
- Joatkkaskuvlaohppiin geain lea sámegiel oahppu gáiddusoahpahusa bokte.
Stipeanda juhkkojuvvo ohppiide geain lea sámegiella juogo vuosttašgiellan, nubbingiellan dahje amasgiellan.
Olbmot geat ožžot stipeandda fertejit leat ollesáiggeoahppit dahje oasseáiggeoahppit almmolaš dohkálaš oahpposajis Norggas, mas lea vuoigadahttojuvvon oažžut doarjaga Stáhta loatnakássas.
Olbmot geat leat norgga stádaborgárat dahje geain lea riekti registreret iežaset norgga stádaborgáriin ja leat oahppit almmolaš dohkkehuvvon oahpposajis Ruoŧas dahje Suomas ja geat leat vuoigadahttojuvvon oažžut doarjaga Stáhta loatnakássas Norggas, sáhttet maid ohcat stipeandda. Dát oahppit fertejit lassin sáddet duođaštusa fágaoahpaheaddjis mas boahtá ovdán makkár dási Sámedikki njuolggadusaid ektui oahpahus vástida; sámegiella vuosttašgiellan, nubbingiellan dahje amasgiellan.
Ohcanáigemearri:
Ohcamat 2015/2016 skuvlajagi várás sáhttet sáddejuvvot áigodagas 18.01.16 gitta 31.03.16 rádjái. Ohcamat meannuduvvojit dađistaga. Ohcamat mat leat sáddejuvvo maŋŋel 31.03.15, eai meannuduvvo.
Meroštallannjuolggadusat
- Stipeanda addojuvvo 7 500 ru. ohppiide geain lea sámegiella vuosttašgiellan.
- Stipeanda addojuvvo 5 500 ru. ohppiide geain lea sámegiella nubbingiellan.
- Stipeanda addojuvvo 3 000 ru. ohppiide geain lea sámegiella amasgiellan.
Makkár dieđut galget boahtit ovdan ohcamis?
- Sámediggi lea geavahišgoahtán elektrovnnalaš ohcanskovvi. Ohcci ferte “ID-porten” bokte deavdit skovi. Jus ohcci lea vuollel 18-jagi, de ferte ohcan sáddejuvvot váhnema/ovddasteaddji “ID-porten” bokte.
- Stipeanddaohcan galgga čállon Sámedikki mearridan ohcanskovvái.
Go ohcan meannuduvvo, de viežžá Sámediggi juogo skuvllas dahje fylkasuohkanis duođaštusa ahte oahppi lea ollesáiggeoahppi dahje oasseáiggeoahppi geas lea leamaš ja ain lea sámegiella vuosttašgiellan, nubbingiellan dahje amasgiellan skuvlajagi 2015/16.
-