Fuom: Jus don leat vuollel 18 jagi boaris, de galgá ohcan sáddejuvvot du váhnema/ovddasteaddji "ID-porten" bokte.
Ohcanáigemearri: 30.04.20
Ohcamat 2019/2020 skuvlajagi várás sáhttet sáddejuvvot áigodagas 16.01.20 gitta 30.04.20 rádjái. Ohcamat meannuduvvojit dađistaga.
Gii sáhttá oažžut stipeandda:
- Joatkkaskuvlaoahppit geain lea sámegieloahpahus juogo vuosttášgiellan, nubbingiellan dahje amasgiellan
- Joatkkaskuvlaoahppit geain lea sámegieloahpahus juogo vuosttášgiellan, nubbingiellan dahje amasgiellan gáiddusoahpahussan
- Joatkkaskuvlaoahppit geat váldet sámegiel eksámena privatistan.
- Norgga stádaborgár dahje geas lea riekti registreret iežas norgga stádaborgáriin, ja leat oahppi almmolaš dohkkehuvvon oahpposajis Ruoŧas dahje Suomas.
Jus galggat oažžut stipeandda fertet leat oahppi almmolaš dohkálaš oahpposajis Norggas, ja ferte leat vuoigatvuohta oažžut doarjaga Stáhta loatnakássas dahje leat norgga stádaborgár dahje leat riekti registreret iežas norgga stádaborgáriin, ja leat oahppi almmolaš dohkkehuvvon oahpposajis Ruoŧas dahje Suomas. Dasa lassin ferte leat vuoigatvuohta oažžut doarjaga Stáhta loatnakássas Norggas.
Olu go sáhtát oažžut stipeandda:
- Go lea sámegiella vuosttašgiellan: kr 9 500
- Go lea sámegiella nubbingiellan - sámegiella 2: kr 6 000
- Go lea sámegiella nubbingiellan - sámegiella 3 dahje sámegiella 4: kr 3 500
- Go lea sámegiella amasgiellan: kr 3 500
Mildosat ohcamii:
- Duođaštus oahpposajis ahte don leat oahppi skuvllas ja ahte dus lea sámegieloahpahus.
- Go válddát eksámena privatistan, fertet sáddet duođaštus oahpposajis ahte lea oahppi skuvllas ja duođaštusa eksámen dieđiheamis.
- Jus don lea oahppi juogo Suomas dahje Ruoŧas de fertet vel sáddet duođaštusa fágaoahpaheaddjis mas boahtá ovdán makkár dási Sámedikki njuolggadusaid ektui oahpahus vástida; sámegiella vuosttášgiellan, nubbingiellan 2, 3 dahje 4, dahje amasgiellan.
Eambbo dieđuid stipeandda eavttuid birra:
Geahča giellamovttiidahttinstipeandda njuolggadusaid.
Gulahallanolbmot:
Anne Marit Triumf, tlf. 78 48 42 11 ja Siv Marit R. Eira, tlf. 78 47 40 72