Sámegielaid lávdegotti jođiheaddji, Bård Magne Pedersen,vásiha stuorra beroštumi lávdegotti barggus. Lávdegoddi galgá evttohit ođđa ortnegiid, doaibmabijuid ja njuolggadusaid dan várás ahte gáhttet ja ovddidit julevsámegiela, lullisámegiela ja davvisámegiela.
- Mun vásihan ahte sihke ovttaskasolbmot ja joavkkut ja searvvit beroštit das maid mii leat evttoheamen, muhto ollugat jerret besset go sii buktit cealkámušaid lávdegoddái, muitala Pedersen.
Giellalávdegoddi háliida háhkat dieđuid olles Sámis, ja lea danne válljen doallat lávdegoddečoahkkimiid máŋgga áigeguovdilis báikkis Norggas. Sii leat juo galledan Kárášjoga. Boahtte čoahkkin dollojuvvo Romssas cuoŋománus. Lávdegoddi áigu galledit earret eará Snoasa, Guovdageainnu ja Divttasvuona dán jagi. Lávdegotti prográmmii gullá maiddai oahppomátki Ruŧŧii oahpásmuvvat ruoŧa ortnegiidda ja hástalusaide ja vásáhusaide rájáid rasttideaddji barggu oktavuođas.
- Mun ádden bures ahte sámegielaid dilli ja ealáskahttin lea deaŧalaš ollugiidda. Danne mii leat ásahan diehtojuohkinsiiddu lávdegotti barggu birra ja e-poastačujuhusa maid buohkat sáhttet geavahit dasa ahte buktit midjiide cealkámušaid ja evttohusaid, dadjá lávdegoddejođiheaddji.
Gulahalli: sprakutvalget@kmd.dep.no
Dás leat eanet dieđut lávdegotti čoahkkádusa ja mandáhta birra.
Gulahallandieđut:
Bård Magne Pedersen, lávdegotti jođiheaddji, tel. 916 92 360
Liss-Ellen Ramstad, lávdegotti čállingoddi, tel. 22 24 48 53/95 80 94 51
Ane- Berge Tobias, lávdegotti čállingoddi, tel. 22 24 48 41/97 73 18 20