Válgaortnet

Sámediggi lea bajimus válgaeiseváldi Sámediggeválggain.

Sámedikki válgaortnet lea vuođđuduvvon gorrelohkoválgga prinsihpaide máŋggaáirrasbiirriin. Gorrelohkoválga mearkkaša ahte áirasat juhkkojuvvojit gorálaččat jienastanlogu mielde maid guhtege válgalistu oažžu. Sihke politihkalaš bellodagat ja eará joavkkut sáhttet bidjat listta válggain.

Sámediggeválggaid ektui lea riika juhkkojuvvon 7 válgabiiren:

1. Nuortaguovllu válgabiire/Østre valgkrets: Mátta-Várjjat, Unjárgga, Čáhcesullo, Várggáid, Báhcavuona, Deanu, Bearalvági, Davvisiidda ja Gáŋgaviika gielddat

2. Ávjovári válgabiire/Ávjovári valgkrets: Kárášjoga ja Porsáŋggu gielddat ja Guovdageainnu suohkan

3. Davveguovllu válgabiire/Nordre valgkrets: Davvisiidda ja Muosát gielddat, Fálesnuori, Hammerfesta, Álttá, Ákŋoluovtta, Láhpi, Skiervvá, Návuona ja Ráissa suohkanat

4. Gáiseguovllu válgabiire/Gáisi valgkrets: Gáivuona, Omasvuona, Ivgu, Gálssa, Romssa, Báhccavuona, Málatvuomi, Beardu, Leaŋgáviika, Birggi, Doaskku, Ránáidsullo ja Ráisavuona suohkanat

5. Viestarmera válggabijrra/Viesttarrmeara válgabiire/Vesthavet valgkrets: Divrráid, Siellaga, Loabága, Rivttaga, Skániid, Ivvárstáđiid, Harstad, Bjarkøy, Giehtavuona, Ánddasullo, Ikšnášši, Bieváid, Suortta, Válafierdda, Voagaj, Vestvågøy, Flakstad, Moskenes, Værøy, Røst, Lodegiid, Dielddanuori, Evenášši, Narvik, Bálága, Divttasvuona, Hápmira, Stájgo, Oarjjelij Foalda, Bådådjo, Fuosku, Sáláda, Oarjelij Bájddára, Bájddára ja Meløy gielddat

6. Åarjel-Saepmie veeljemegievlie/Sørsamisk valgkrets: Nordlándda fylkka gielddat Ruovada ja Raavta rájes luksa, Davvi-Trøndelag ja Lulli-Trøndelag fylkkat ja Surnadal, Rindal ja Sunndal gielddat Møre- ja Romsdal fylkkas ja Engerdal, Rendalen, Os, Tolga, Tynset ja Folldal gielddat Hedmark fylkkas

7. Lulli-Norgga válgabiire/Sør-Norge valgkrets: fylkkat Møre ja Romsdal (earret Surnadal ja Rindal gielddat), Sogn ja Fjordane, Hordaland, Rogaland, Vest-Agder, Aust-Agder, Telemark, Buskerud, Vestfold, Akershus, Østfold, Oppland, Hedmark (earret Engerdal, Rendalen, Os, Tolga, Tynset ja Folldal gielddat) ja Oslo).

Sámediggái válljejuvvojit 39 áirasa. Man galle áirasa válljejuvvojit juohke válgabiires sorjá das man ollu leat dieđihuvvon Sámedikki jienastuslohkui geassemánu 30. b. nammii dan jagi goas maŋimuš gielddastivra- ja fylkkadiggeválga lea dollojuvvon.

Áirrasjuohku válgabiiriin 2013 sámediggeválgga oktavuođas:

Eanet dieđuid válgaortnega birra gávnnat dákko.