Sámegielain oaivvilduvvo davvi-, lulli- dahje julevsámegiella. Oahpahuslágas § 6-1, vuosttaš lađđasis čuožžu definišuvdna gii definerejuvvo sápmelažžan: sápmelaš: olmmoš guhte sáhttá čálihuvvot sámi jienastuslohkui, gč. § 2-6 geassemánu 12. beaivvi 1987 láhka nr. 56 Sámedikki ja eará sámi riektedilálašvuođaid birra (sámeláhka), ja mánát daidda geat sáhttet sisačálihuvvot.
Ii leat gáibádus ahte oahppi dahje vánhemat galget leat čálihuvvon sámi jienastuslohkui, muhto ahte devdet daid eavttuid maid mielde sáhtašii leat mielde sámi jienastuslogus.
Suohkanat mat gullet sámegiela hálddašanguvlui sáhttet mearridit ahte buot ohppiin vuođđoskuvllas galgá sámegiella leat bákkolaš fága, gč. Oahpahusláhka § 6-2, njealját lađas: Suohkan sáhttá láhkaásahusaid bokte mearridit ahte buohkat sámi guovllu vuođđoskuvllain galget oažžut oahpahusa sámegielas. Unjárgga gielda, Kárášjoga gielda ja Guovdageainnu suohkan leat dahkan dakkár mearrádusa.
Loga maid dán: Gáiddusoahpahus - molssaevttolaš oahpaheapmi sámegielas
Loga maid birra: Vierisgiella ja dárogiella siidogiella ii leat bákkolaš