– Dalle go Gurutbellodat bođii ráđđehussii diibmá, de čovdojuvvui viimmat dat ahte máttasámi kulturviessu Saemien Sijte huksejuvvo Snoasai. Go Risttalaš álbmotbellodat lea ruovttoluotta ráđđehusas, de lea sivva jáhkkit ahte bargu mii lea álggahuvvon ovdána ja leat eanet sámepolitihkalaš áigumušat, dadjá Sámedikki presideanta Aili Keskitalo, ja čujuha ahte Bondeviikka 2-ráđđehusa áigge, mas ledje mielde Risttalaš álbmotbellodat, Olgešbellodat ja Gurutbellodat, bođii earret eará finnmárkkuláhka, konsultašuvdnaprosedyrat ja oaččuimet sámi ofelaččaid.
– Mis leat ain ollu gáibideaddji áššit mat gusket sámiide, ja mis leat čielgasit vuordámušat ahte ođđa ráđđehusčoahkkádus buktá positiiva bohtosiid midjiide sámiide, dadjá Keskitalo loahpas.
Jearahallama addá ja vástida gažaldagaide Sámedikki presideanta Aili Keskitalo, tel. +47 971 29 305