Finnmárkku fylkkagielda, Romssa fylkkasuohkan, Nordlándda fylkkasuohkan ja Sámediggi nammadedje odne iežaset lahtuid Vuotnaguolástuslávdegoddái.
- Mii leat duhtavaččat Vuotnaguolástuslávdegotti čoahkádusain. Čoahkádusa maid mii leat olahan ollu evttohusaid ja buori ráđđádallamiid bokte, dadjet Finnmárkku fylkkasátnejođiheaddji Runar Sjåstad, Romssa fylkkaráđđi Line Miriam Sandberg, Nordlándda fylkkaráđđi Arve Knutsen ja Sámedikki sámediggeráđđi Silje Muotka.
Vuotnaguolástuslávdegoddi galgá nannet vuotnaguolástusaid hálddašeami erenoamáš deattuhemiin sámi geavaheami. Dat galgá bargat guolástanmuddenáššiiguin, doaibmabijuiguin mat nannejit riddo- ja vuotnaguolásteami, vuotnalinnjáid mearridemiiguin, ja lassi dorskehivvodagaid sturrodagaiguin ja juogademiin rabas joavkkus.
- Vuotnaguolástuslávdegotti lahtut ovddastit bođuid ja oktasaččat buori ja deaŧalaš gelbbolašvuođa guolásteami, hálddašeami ja servodagaid birra. Danne mis lea buorre jáhku dasa ahte Vuotnaguolástuslávdegoddi váikkuha positiiva ovdáneami riddo- ja vuotnaguolástusas davvin, loahpahit Sjåstad, Sandberg, Knutsen ja Muotka.
Vuotnaguolástuslávdegotti lahtut nammaduvvojit gitta guovtti jahkái háválassii ja sii válljejit jođiheaddji ieža. Guolástusdirektoráhta regiovdnakantuvrras Finnmárkkus lea čállingoddedoaibma.
Gulahallit
Vuotnaguolástuslávdegoddi
| Guhte lea nammadan | Lahttu | Várrelahttu |
| Finnmárkku fylkkagielda | Tomas Sagen (47),Davvesiida | Bernt Wilhelmsen (63), Porsáŋgu |
| Romssa fylkkasuohkan | Jorhill Andreassen (65), Leaŋgaviika | Knut Werner Hansen (62), Gálsa |
| Nordlándda fylkkasuohkan | Mikal Steffensen (34), Ikšnášši | Mona Gilstad (54), Vega |
| Sámediggi | Tone Joakime Nilsen (32), Gáŋgaviika | Trond-Einar Karlsen (52), Áltá |
| Geir Tommy Pedersen (49), Gáivuotna | Ragnhild Sandøy (60), Romsa | |
| Bente Aasjord (54), Stájggo | Ragnhild Melleby Aslaksen (51), Čáhcesuolu |