Ávvudeami rahpanságas Sámedikki ságajođiheaddji Klemetti Näkkäläjärvi bajidii ovdan ovddit buolvvaid garra barggu sihke servviid dehálaš rolla kultuvrra seailluheamis. Son maiddái deattuhii nuorra dáiddáriid mearkkašumi, geat barget servodatlaš ja searvvušlaš dáidaga modearnna teknologiija vehkiin, juhket dieđuid sápmelaččain áibbas ođđa vugiin ja bastet burgit váldokultuvrra ráhkadan stereotypiaid sámiin.

Sámedikki ságajođiheaddji Klemetti Näkkäläjärvi oaidná sápmelaččaid boahttevuođa čuovgadin: ”Sámeálbmoga boahttevuohta ii leat eahpesihkkar nu guhká, go seailluhit kultuvrra árvvuid, árbevieruid ja searvvušlašvuođa. Boahttevuohta lea čuovgat. Sámi identitehta lea nanus. Mii diehtit, geat mii leat, gos boahtit ja gosa leat mannamin.”

Álbmotbeaivve ávvudemiin loaiddastedje njunuš sámeartisttat miehtá sámeguovllu. Ávvudeamis juige Suoma Big Brother gilvvus birgen Andte Gaup-Juuso ja guovdageaidnolaš Inger Marie Nilut. Nuortalašgielat artistan gulaimet Jaakko Gauriloff sihke Anna Lumisalmi ja Tauno Ljetoff. Ávvudeamis loaiddastedje maiddái Aila duo, Ánnámáret Ensemble ja Hildá Länsman ovttas Erkki Feodoroffiin, Nicholas ja Kevin Francettiin. Rauna Paadar-Leivo muitalii ávvudeamis mánnávuođa ja nuorravuođa muittuin, lassin ávvudeamis čájehuvvojedje Ima Aikio-Arianaick musihkkavideot Unna guoláš čierru, Buoidda jorrá borrá, Stálu čiegát.

 Andte Gaup-Juuso

Inger Marie Nilut

Jaakko Gauriloff

Aila duo

 Rauna Paadar-Leivo

Anna Lumisalmi ja Tauno Ljetoff

 Hildá Länsman

Ánnámáret Ensemble