Sámediggi sávvá didjiide buresboahtima Anárii 17.4.2008 seminárii, mii gieđahallá ILO soahpámuša nr 169 ratifiereneavttuid, sápmelaččaid eanavuoigatvuohtagažaldagaid ja guovlohálddahusođasmahttima.

Sámediggi ordne 17.4.2008 Anáris buohkaide rabas seminára ILO-169-soahpamuša ratifiereneavttuid ja sápmelaččaid eanavuoigatvuođaid birra.

Suomas lea aiddo dál jođus viiddis guovlohálddahusa ođasmahttin- ja ovdánahttinbargu, mas dálá guovlohálddahusa virgeolbmuid barggu ordnestallet ođđasit. Sámediggi háliida seminára ordnemiin buktit rabasvuođa eanavuoigatvuohtagažalda-ga gieđahallamii Suomas ja buktá ovdan ođđa oainnuid guovlohálddahusa ođasmahttinbargui ja addá ILO-169-soahpamuša ratifiereneavttuid birra vuođđodieđuid. Guovddáš ministeriijat buktet semináras iežaset oainnuid ILO-169 soahpamuša rati-fiereneavttuin. Seminára oktavuođas almmustahtto VDD/OTT, doseanta Kaisa Korpi-jaakko-Labba Sámediggái dahkan dutkamuš, mas son dahká vuoigatvuođalaš árvvoštallma VUOIGATVUOĐAMINISTERIIJA EANAVUOIGATVUOHTA-DUTKAMUŠ – prošeavttas dahkkon dutkamušain.

Programma gávdno dán liŋkkas. Seminára guovddáš sáhkavuorut leat oažžumis seminára maŋŋá sámedikki ruoktosiidduin: www.samediggi.fi.

Latnjavárremiid ja gáffefállama ordnemiid dihte bivdit du/din almmuhit oassálastimis 15.4. rádjái čujuhussii: Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. dahje telefonaian: 016-665 011.  

Buresboahtin!

Sámediggi