Ulbmilin lea
• Čielggasmahttit uhcimusgáibádusaid sámeguovllu rádjeoktasašbargui
• Loktet guovddážii bálvalusaid, mas giela ja kultuvrra mearkkašupmi lea stuoris
• Buktit ovdan, makkár bálvalusat gávdnojit juo ja makkár vejolaš bálvalusdárbbut vel leat
• Juohkit dieđu doaibmi buriin meannudanvugiin
• Čielggasmahttit doaibmarávvagiid, mo dieđujohtin bálvalusain áššehasaide ja ámmátbargiide sihkkarasto
• Soahpat joatkkadoaimmain

Iđitbeaivve gullat sámiid rádjeoktasašbarggu guoski láhkaásaheami dáládiliin ja sosiála- ja dearvvašvuohtafuolahusođastusas. Ovdan leat maid sámegielat sode-bálvalusaid dáládilli ja buorit geavadat sije Suomas ja Norggas. Dasa lassin gullat sáhlavuoru ÁEL-buhtadusain ja dálá spesiálabuohccedikšuma soahpamuša sisdoalus.

Eahketbeaivve suokkardallat bargojoavkkuin mot čielggasmahttit rádjeoktasašbarggu ja meannudanvugiid sámegielat bálvalusaid fállamis Suoma ja Norgga gaskkas ja mor sihkkarastit dieđujohtima áššehasaide ja ámmátbargiide.Dasa lassin guorahallat mot sihkkarastit joatkkadivššu riikka nuppi buohccedikšunbiires (dálá soahpamuš lea guovtti buohccedikšunbiire gaskasaš). Ulbmilin lea bargojoavkkuin dahkat evttohusaid joatkkadoaimmaid birra.

Seminára loahpas burgit bargojoavkkuid evttohusaid ja soahpat joatkkadoaimmain.

Dilálašvuođa gielat leat dárogiella, davvisámegiella ja suomagiella.

Dilálašvuođas lea tulkon. Dilálašvuohta striimejuvvo. Striimema čujuhus www.sogku.fi/live

Lassidieđut:
pia.ruotsala(at)samediggi.fi tel. 010 839 3106
anne-maria.simojoki(at)ouka.fi