Almmuhanáigi sámenuoraid dáiddadáhpáhussii álggii |
Guovttebeaivásaš Sámenuoraid dáiddadáhpáhus ordnejuvvo 25.- 26.3. 2015 Ohcejotnjálmmi skuvllas Ohcejogas. Temán lea musihkka, man stiillaid – klassihkalaš musihka, álbmot- ja ritmamusihka – sisa čáhká olles máilmmi musihka girjáivuohta luođis hiphoppii. Dasa lassin Ohcejoga dáhpáhusa sámetemá teáhterbargobájit čujuha juo boahtte jagi riikkaviidosaš temái. Almmuhusaid sámenuoraid dáiddadáhpáhussii galgá sáddet maŋimustá bearjadaga 6.3.2015.
Gaskavahkkoeahkeda dmu 18 rájes lea rahpandilálašvuohta, man ovdal mánáide ja nuoraide ordnejuvvojit teáhterbargobájit. Rahpamiid maŋŋá ja duorastatiđida lea vel vejolašvuohta hárjehallat iežas bihtáin.
Duorastaga váldodáhpáhus álgá dmu 10.00. Doppe válljejuvvojit sámenuoraid ovddasteaddjit Nuorra Kultuvra –dáhpáhussii, mii dollojuvvo Porvoos 15.-17.5.2015. Lassedieđut: www.nuorikulttuuri.fi/sounds .
Sáhtut ordnejuvvojit miehtá sámeguovllu. Oassálasttiide fállat idjasaji Ohcejoga idjadanbáikkiin nu bures go vejolaš. Ohcejohka ii leat stuorra čoahkkebáiki, danin muhtun joavkkut gártet idjadit skuvllas. Mii geahččalit goit láhčit buohkaide nu vuogas dili go vejolaš.
Skuvllat galget fuolahit din fárrui eahketbihtáid gaskavahkkui. Gaskavahku mii fállat mállásiid dmu. 14-16 ja duorastaga iđit- ja beaiveborramušaid (lunšša).
Almmuhusaid sámenuoraid dáiddadáhpáhussii galgá sáddet maŋimustá bearjadaga 6.3.2015.
Almmuhusa sáhttá sáddet maid dákko !
Lassedieđut
minna.lehtola(at)samediggi.fi dahje
telefovnnas 010 839 3196 dahje 050 4638 285
dahje
interneahtas: www.samediggi.fi
|
|
Viimeksi päivitetty ( 05.03.2015 ) |