Sámediggi dieđiha sámediggelágas |
Riikkabeivviid vuođđoláhkaváljagoddi lea bivdán sámedikkis 4.3.2015 cealkámuša ráđđehusa evttohusas sámediggeláhkan (HE 167/2014) vp váljagotti 5.3.2015 dmu 8.30 álgi čoahkkimii.
Sámediggi lea addán čálalaš cealkámuša. Sámediggi almmustahttá buot váljagoddái addon cealkámušaid ruoktosiidduin dallego vuođđoláhkaváljagoddi lea oon barggu gárvvisin. Sámediggi addá vuođđoláhkaváljagoddái bargoráfi.
Sámedikki 5.3. addin cealkámuš vuođđuduvvá sámedikki čoahkkima dohkkehan mearrádusaide čoahkkimiin 4/2013 ja 2/2014 sihke sámedikki čoahkkimiid dohkkehan eará cealkámušaide ja válgabaji doaibmaprográmmai. Ráđđehusa evttohusas lea sámedikki addin dihtui vuođđudeaddji ovdamiehtan. Vuođđoláhkaváljagotti guorahallan nuppástusain sámediggeláhkii ii leat sámiid dihtui vuođđudeaddji ovdamiehtan.
Sámedikki oaidnu lea, ahte sámediggeválggaid guoski njuolggadusaid galgá heivehit dán jagi sámediggeválggain. Sámediggái deháleamos áššit ráđđehusa evttohusas leat sápmelašmeroštallan sihke ovttasdoaibmangeatnegasvuohta ja sámiid eamiálbmotsajádaga sihkkarastin ja ovddideapmi ja eaktuda daid dohkkeheami ráđđehusa evttohusa mielde.
Ráđđehusa evttohusa galgá dohkkehit áššesisdoalu beales dakkárin sihke ieš láhkateavstta ja daid sierravuođustusaid oasil. Sámedikki eavttohis oaidnu lea dat, ahte sámediggelágas galgá leat sámiid dihtui vuođđudeaddji ovdamiehtan.
Sámediggi gudnejahttá stáhtaráđiin ollašuvvan ovttaráđálašvuođa sámediggeláhkan ja eaktuda dán ovttaráđálašvuođa gudnejahttima maiddái riikkabeivviin.
Sámediggi bargá buot, ahte sámediggelága sáhttá dohkkehit dán riikkabeaibajis sámiid dihtui vuođđudeaddji ovdamiehtamiin. Sámediggi ii dohkket sámiid eamiálbmotsajádaga heajudahttima iige luoba prinsihpain iige árvvuin ja doaibmá dievasčoahkkima addin mearrádusaid mielde sámediggelága riikkabeaigieđahallama áigge.
Sámediggi 5.3.2015.
|
|
Viimeksi päivitetty ( 07.03.2015 ) |