Sámenuoraid dáiddadáhpáhus lea ordnejuvvon 1970-logu álgojagiid rájes ja máŋga dálá sámedáiddára leat ožžon iežaset vuosttas loaiddastanvásáhusaid dán dáhpáhusas. Sámenuoraid dáiddadáhpáhus lea áidna jahkásaš sámegielat nuoraid dáhpáhus Suomas. Dáhpáhus lea oktii dollojuvvon maid sámeguovllu gielddaid olggobealde, namalassii Roavvenjárggas jagis 2010.

 

Dán jagi temán lea musihkka. Gaskavahku nuoraide leat ordnejuvvon teáhterbargobájit, maiguin ráhkkanit juo boahttevaš jahkái. Oalgedáhpáhussan Ohcejogas leat maid ee. räp- ja ráidogovvabargobájit. Gaskavahkkoeahkeda rahpandilálašvuođas loaiddastit Ohcejoga mánáidkoara Modji bagadeddjiinis Anna Näkkäläjärvi-Länsmaniin, Sámi Grand Prix- vuoitti Aila Duo sihke räp-musihkar Ailu Valle, guhte lea áiddo almmustahttán ođđa CD-skearru. Musihkkatemá lea riikkaviidosaš ja Ohcejoga dáhpáhusas válljejuvvojit sámenuoraid ovddasteaddjit riikkaviidosaš SOUNDS -dáhpáhussii, mii dollojuvvo Porvoos miessemánus.

 

Ohcejoga dáhpáhusa musihkkagilvui leat almmuhan 21 joavkku. Dán jagi guhkimus mátkki guossit bohtet Helssegis City Sámit –searvvi doarjagiin. Sámenuoraid dáiddadáhpáhusa ordne sámediggi ovttas báikkálaš skuvllain oahpahus- ja kulturministeriija veahkkeruđain.

 

Dáiddadáhpáhusa rahpan lea gaskavahkkoeahkeda 25.3. dmu 18.30 rájes. Musihkkagilvu álgá Ohcejotnjálmmi skuvllas duorastaga 26.3. dmu 10.00. Buresboahtin čuovvut sámenuoraid ilolaš dáhpáhusa!  LUĐE PROGRÁMMA DÁS!

 

Jagis 2016 ordnenvuorus lea Anár ja riikkaviidosaš temán leat teáhter. Dáiddadáhpáhus ordnejuvvo Sadjosis, gos badjel 400 čohkansaji, alladási auditoria sihke ođđaseamos teknihkka fállet dáhpáhussii buori birrasa. Čuovo sámedikki neahttasiidduid!

 

Minna Lehtola minna.lehtola(at)samediggi.fi

tel. 010 839 3196010 839 3196 / 050 4638 285050 4638 285

www.samediggi.fi  

www.nuorikulttuuri.fi   

Loga Yle Sámis dás!