Sámedikki stivra evttohii dievasčoahkkimii, ahte dat mieđiha earu Klemetti Näkkäläjärvii sámedikki ságajođiheaddjái barggus, stivrra lahttuvuođas ja buot luohttámusdoaimmain. Lassin stivra mearái evttohit sámedikki čoahkkimii, ahte dat vállje bargoortnega 3 §:a ja 5 §:a mielde sámedikki fásta lahtuin ollesáigásaš ságajođiheaddji ja dárbbu mielde várreságajođiheaddji ja/dahje ođđa stivrra lahtu.

Lassin stivra mearái, ahte Sámediggi joatká barggu ILO 169-soahpamuša ratifiserema várás ja ulbmilin lea oažžut girjema soahpamuša ratifiseremis čuovvovaš ráđđehusprográmmii.

Stivra namuhii Giehtaruohttasa meahcceguovlo-eatnamiid ja Saana guovllu Akwe: Kon jovkui Per-Oula Juuso, Lars-Jona Valkeapää, Anne-Maret Labba, Tuomas Aslak Juuso ja Per Ande Labba.

Birasministeriija lea bivdán sámedikki almmuhit evttohasaid álbmotlaš IPBES (Intergovernmental Platform on Biodiversity and Ecosystem Services) –panela lahttun badjái 2015-2018.  Stivra mearái, ahte Sámedikki ekonomalaš dili geažil sámediggi ii bastte buhttet ovddasteaddjiidis oassálastingoluid. Juos birasministeriija buhtte sámedikki ovddasteaddji goluid, sámediggi evttoha iežas ovddasteaddjin birasčálli Anni-Helena Ruotsala. IPBES-panela lea ráđđehusaid gaskasaš iešráđálaš orgána, man ulbmilin lea nannet diehtaga ja politihka vuorrováikkuhusa luonddu máŋggahápmásašvuođa ja ekosystemabálvalusaid guoski gažaldagain máŋggahápmásašvuođa suodjaleami ja suvdilis geavaheami ovddideami várás sihke olbmo buresveadjima ja suvdilis ovdáneami dorvvasteami várás guhkes áigegaskkas.

Stivra nammadii ovddasteaddjin Ohcejoga gieldda Gáregasnjárga-Ohcejohka mohtorgielkágeinnodaga ekoniijaváikkuhusaid  árvvoštallama stivrenjovkui Urpo Vuolab fástalahttun ja su várrelahttun Jorma Harlin. Lasssin stivra nammadii Ohcejoga gieldda Áilegas giellasiida-fidnu stivrenjovkui fásta lahttun Anna Morottaja ja su várrelahttubn Tiina Sanila-Aikio.

Stivra nammadii Suoma Máilmmi muitu -komitea lahttun sámedikki ovddasteaddjin Suoma Máilmmi muitu –komiteai Pauliina Feodoroff ja su várrenlahttun sámedikki kulturcálli. Unesco Máilmmi muitu –prográmma (Memory of the World) lea jagis 1992 čohkken iežas registariidda dehalamos áššegirje- ja girjerádjotradišuvnnaid.

Stivra mearái vuostáváldit sámi parlamentaralaš ráđi ságajođiheaddjivuođa 1.6.2015 rájes. Ságajođiheapmi bistá 16 mánotbaji.

Stivra nammadii Suvdilis ruvkedoaimma váimmusjovkui fásta lahttun sámedikki ságajođiheaddji ja lahtuid veahkkin láhkačálli.

Stivra mearái, ahte Sámediggi oassálastá Suoma delegašuvnnas eamiálbmot-áššiid suvdilis foruma 14. čoahkkimii New Yorkas dainna eavttuin, ahte Sámedikki ovddasteaddjis lea vejolašvuohta sáhkavurrui, mas bukto ovdan sápmelašáššiid dilli Suomas. Stivra nammadii ovddasteaddjin sámedikki ságajođiheaddji.

Lassidieđuid addá I várreságajođiheaddji Tiina Sanila-Aikio 040-7252585, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.