Sajosis lágiduvvojit goalmmát geasi sámidujiid duodjebájit. Duodjebáji jođiheaddji bargui gullá oahpistit áššehasaid sámidujiid dudjomis ja muitalit sámidujiid historjjás ja árbevieruin sihke iežas duodjevugiin. Duodjebáji jođiheaddji bargosadji lea Sámekulturguovddáš Sajosis Anáris.

Bargu álgá 15.6.2015 ja bistá 14.8.2015 rádjai. Barggu menestuvvi dikšuma veahkeha heivvolaš skuvlejupmi, sámegiela sihke eaŋgalsgiela dáidu. Ovdun lea eará gielaid máhttu. Bálká mearrášuvvá Sámedikki bálkávuogádaga gáibádusdási VII/III mielde (vuođđđobálká 1545,10 euro/mb). Vuođđobálkká lassin máksojuvvo 24 %:a sámeguovllu lassi ja bargohárjánumi mielde mearrašuvvi ahkelasit.

Ohcamušaid čuvvosiiguin galgá doaimmahit vu 4.5.2015 dmu 16 rádjai Sámekulturguovddáš Sajosii čujuhussii Sajos, 99870 Anár  dahje sajos(at)samediggi.fi. Lassidieđuid barggus addá má. márkanastinhoavda Johanna Alatorvinen, johanna.alatorvinen(at)samediggi.fi, tel. 010 839 3109. Sajosa doaimmaide sáhttá oahpásmuvvat čujuhusas www.sajos.fi