Sámi parlamentáralaš ráđđi lea Suoma, Norgga ja Ruoŧa sámedikkiid ja Ruošša sápmelaččaid parlamentáralaš oktasašbargoorgána. Ráđđi ovddasta sápmelaččaid riikkaidgaskasaš oktavuođain ja gieđahallá áššiid, mat gusket sápmelaččaid eamiálbmogin. Parlamentáralaš ráđi čállingotti bargguid ja eará dasa laktáseaddji riikkaidgaskasaš áššiid dikšuma várás Sámediggi ohcá

                   MEARREÁIGÁSAŠ ÁŠŠEMEANNUDEADDJI

Bargu álgá 1.6.2015 ja bistá vuos 31.12.2015 rádjai. Gelbbolašvuođaeaktun lea barggu eaktudan skuvlejupmi ja sámegiela máhttu (ásahus 1727/95). Barggu menestuvvi dikšun gáibida heivvolaš allaskuvladutkosa, buori sáme-, suoma-, dáro-/ruoŧagiela máhtu sihke duhtadahtti eaŋgalasgiela njálmmálaš ja čálalaš máhtu. Barggus gáibiduvvo maid davviriikkalaš sámehálddahusa ja riikkaidgaskasaš olmmošvuoigatvuođasoahpamušaid ja –doaibmiid áššedovdamuš. Bargui gullet čálli- ja čoahkkinordnemiid lassin oktavuođadoallan iešguđet riikkaid sámedikkiide ja Ruošša sámeorganisašuvnnaide sihke áššemeannudanbarggut. Bálká mearrašuvvá sámedikki bálkávuogádaga gáibádusdási IV/IV-II mielde (vuođđobálká gaskkas 2 457,04 – 2 560,57 euro/mb). Vuođđobálkká lassin máksojuvvojit 24 % sámeguovllu lassi ja bargohárjánumi mielde mearrašuvvi ahkelasit. Ohcamušat oktan mildosiiguin galget doaimmahuvvot sámedikki čállingoddái 15.5.2015 dmu 16.00 rádjai čujuhusain Sajos, 99870 Anár/Inari dahje Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.   Lassedieđuid barggu birra addá má. hálddahushoavda Pia Ruotsala tel. 010 839 3106 dahje boahttevaš parlamentáralaš ráđi ságadoalli Tiina Sanila-Aikio, tel. 050-3001780. Sámedikki  ja parlamentáralaš ráđi doibmii sáhttá oahpásmuvvat neahttačujuhusas www.samediggi.fi


Anáris 22.4.2015                Sámediggi