Anára girkosiiddas sámekulturguovddáš Sajosis ordnejuvvojit juo guovtti geasi oahpisin šaddan sámedujiid bargobájit maiddái dán gease. Bargobájiin árbevieruin beroštuvvan mátkkálaččat besset ieža duddjot sámedujiid mátkemuitun ja seammás oahppat sámedujiid historjjás ja árbevieruin duodjebáji jođiheaddji oahpistettiin.

Duodjebájis áššehasat ožžot válljet sierra duodjemolssaeavttuin mielamiel ja duddjot duoji duojára bagadallama vuolde alcceseaset mátkemuitun. Duodjemolssaeavttuin gávdnojit nu árbevirolaš go geavahanulbmila dáfus eanet modearna duojit, dego bohcco náhkis válmmátuvvon sisteseahkka dahje láđđis válmmaštuvvon tableahttalávka. Duddjoma olis duojár muitala sámedujiid historjjás ja árbevieruin sihke iežas duodjevugiin.

Duodjebájit leat oassi Sajosa kultuvrralaš sisdoallobuvttadan ovddideami. Duodjebájiid ulbmilin lea lasihit sámedujiid dovdama ja dan bokte lávdadit dieđu sámiin eamiálbmogin. Duodjebájit ollašuhttojit oktasašbarggus Sajosa sámedujiid gávppiin, Sámi Duodji Shopiin.

Iešguđetlágan duojit earálágan dárbui

Dujiin leat guhkes árbevierut ja almmolaččat sáme giehtaduodjin áddejit geavahandárbašiid, dego biktasiid, bargoneavvuid, gievkkandárbašiid, bivdobiergasiid ja čiŋaid. Maiddái dán áigge dujiid árbevierut leat luonddumateriálain, dujiid duddjojit boares árbevieru mielde heivehemiin ođđa bargovugiide ja ođđa geavahussii iešguđege guovllus.

Sajosis áššehas sáhttá duddjot geasi áigge iežas áigetávvala olis dadne- dahje bearalgiehtarieggá, čuldon bátti, láđđis duddjojun seahka dahje lávkka ja sisteseahka. Duodjebájit ollašuhttojit Sajosa čuvges váldoboahtagis mávssu vuostá. Joavkkut galget várret iežaset  bargobádjeáiggi, vai sidjiide sáhttá lágidit dárbbu mielde lassioahpaheaddjiid.

Sajosa duodjebájit ollašuhttojit áiggis 1.7. - 14.8.2015 árgan dmu 11–17.   

Sajosa geasse rabasáiggit:

Sajosa info:                       má-be dmu 9-17

Duodji shop:                      má-be dmu 10-17

Restoráŋŋa Lyeme:            má-be dmu 10-16

Sámegirjerádju:                má-di dmu 13-19, ga-du dmu 10-17, be 10-16

Lassidieđut:

Johanna Alatorvinen, má. márkanastinhoavda, Sámekulturguovddáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel 010 839 3109, www.sajos.fi

Aune Musta, beaivválaš jođiheaddji, Duodji Shop, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 0400-637178, www.samiduodji.com