Čájáhus lea ordnejuvvon Siidda ja dáhpáhusaid váldoordnejeaddji, Sámedikki, ovttasbargun. Čájáhussii leat čohkken dáiddadáhpáhusmuittuid badjel 20 jagi áigodagas, ja mielde lea maid čohkkehusvideo jagi 2015 Ohcejoga dáiddadáhpáhusas. Dáhpáhusaid leat goittotge ordnen jo 1970-logu rájes – juohke jagi dat čohkke ođđa nuoraid ja iešguđetge dáiddasurggiid čehpiid oktii.

 

Dáhpáhus lea dehálaš sihke nuoraid dáiddaáiggeájiid ja maiddái sámegiela geahččanguovllus. Dat lea ain áidna 1970-logu álggu rájes jahkásaččat ordnejuvvon sámegielat nuoraiddáhpáhus Suomas.

 

Sámenuoraid dáiddadáhpáhus oahpisin! -čájáhus heive Ohcejohkii bures, ordnejuvvuihan jagi 2015 dáiddadáhpáhusge dáppe, čájáhusa álggus rájes ordnen sámemusea Siidda čoakkáldatmeašttir Marjo-Riitta Rantamäki ja dáhpáhusaid ordnemis vástideaddji Anni Näkkäläjärvi sámedikkis muitaleaba. - Dasa lassin Ohcejogas leat boahtán máŋggat násttit, geat leat loaiddastan vuosttaš geardde dáiddadáhpáhusas, ja maŋŋeleappos sii leat šaddan eanet dovddusin.

 

Ohcejoga maŋŋel dáiddadáhpáhusčájáhus sirdašuvvá Turku riikkaidgaskasaš girjemeassuide, mat ordnejuvvojit 2.–4.10.2015. Jahkemolsašumi maŋŋel čájáhus lea oaidninláhkái Heahttás luondduguovddážis Skierris ja cuoŋo-miessemánus 2016 fas Nuorta-Lappi luondduguovddážis Dávgeváris Vuohčus.

 

Govat: Ohcejohka 11.6.2015, Anni Näkkäläjärvi. Čájáhus bovttii boarrásut buolvvas olu skuvlamuittuid. Govas Kaarina Morottaja, Kirsti Paadar ja Uula Paadar.