Seađavuđđosaš gelbbolašvuohtagáibádussan lea barggu eaktudan skuvlejupmi ja lassin gáibiduvvo sámegiela dáidu (ásahus 1727/95). Barggu ceavzilis dikšuma ovddidit heivvolaš allaskuvladutkkus, birasáššiid ja hálddahusbargguid dovdan sihke doarvái buorre eaŋgalsgiela dáidu. Bálká mearrašuvvá sámedikki bálkávuogádaga gáibádusdási IV/IV-II mielde (vuođđobálká almmá lasiid haga 2457,04 – 2 560,57 euro/mb).

 

Virggi deavdimis čuvvojuvvo guovtti mánotbaji geahččalanáigi. Čálli doaibmabáiki lea sámekulturguovddáš Sajosis. Ohcamušaid čuvvosiiguin galgá doaimmahit sámedikki čállingoddái 15.7.2015 dmu 16.00 rádjai čujuhussii Sajos, 99870 Anár.

 

Lassidieđuid barggus addá má. hálddahushoavda Pia Ruotsala tel. 010 839 3106. Sámedikki doibmii sáhttá oahpásmuvvat neahttačujuhusas www.samediggi.fi