Sámedikki válgalávdegoddi muittuha, ahte sámedikki válggaid 2015 evttohasásaheapmi nohká be 7.8. diibmu 16. Válljensearvvi vuođđudanáššegirji/evttohasohcamuš galgá leat válgalávdegottis Anáris Sajosa doaibmasajis máinnašuvvon áiggi rádjai (čujuhus: Sámekulturguovddáš Sajos, Menesjärventie 2A, 99870 ANÁR).

 

Válljensearvi berre váldit dán vuhtii eandalii jos doaimmahit áššegirjjiid poastta bokte. Válgalávdegottis ii leat eará doaibmasadji, gos váldit áššegirjjiid vuostá.

Jietnavuoigadahtton olmmoš sáhttá gullat dušše ovtta válljensearvái, dahje muđuid su namma sihkkojuvvo buot válljenservviin eret. Válljensearvvi áššeolbmos lea vejolašvuohta dievasmahttit dahje njulget ohcamuša dieđuid vu 11.8. d. 16 rádjai.

 

Evttohasásaheapmiskovit gávdnot Sámedikki válgalávdegotti internet-siidduin čujuhusas www.samediggi.fi/vaalit ja daid oažžut maid Sámekulturguovddaš Sajosa Infos.

 

Válgaáššegirjjiid mearrái doaimmaheami sihkkarastima geažil válgalávdegoddi bivdá 1.8.2015 maŋŋá fárrejeaddjiid ja maiddái dan ovdal olgoriikkain fárren olbmuid doaimmahit čujuhusdieđuideaset, mat leat áiggi dásis, válgalávdegoddái šleađgapoastta bokte ( Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. ), telefovnna bokte (010 839 3185, 010 839 3195, 010 839 3189) dahje poastta mielde (Saamelaiskäräjät / Vaalilautakunta, Menesjärventie 2A, 99870 INARI).