Válgalávdegoddi dieđiha |
Gulahus 12.8.2015
SÁMEDIKKI VÁLGGAT 7.9.-4.10.2015
Válgaáššebáhpárat postejuvvojit čálihuvvon reiven juohke jietnavuoigadahtton olbmui 7.9.2015
rájes. Jietnavuoigadahtton olmmoš sáhttá jienastit máhcahemiin válgaáššebáhpáriid poastta bokte
nugo ovddit válggain. Poastta bokte sáddejuvvon válgaáššebáhpárat galget leat válgalávdegotti
doaimmahagas Anáris maŋimustá 5.10.2015 jienaidrehkenastima álggaheami rádjai.
Jietnavuoigadahtton sáhttá maiddái máhcahit iežas válgaáššebáhpáriid persovnnalaččat
21.9. -2.10.2015 gaskasaš áigge válgalávdegotti doaimmahahkii:
Anár, Sajos, Menesjärventie 2A.
Jienasteaddjis lea vejolašvuohta seammaláhkai go almmolaš válggain jienastit aitosaš válgabeaivve
sotnabeaivve 4.10.2015 dmu 10.00–18.00 válgabáikkiin dan sámiid ruovttuguovllu gielddas, mii
lea merkejuvvon válgalogahallamii su ruovttugieldan.
Válgabeaivve jienasteapmi ordnejuvvo:
Heahttá: Eanodaga gielddadállu, Ounastie 165
Anár: Kulturguovddáš Sajos, Menesjärventie 2A
Ohcejohka: Sámedikki doaimmahat, Gielddadállu, Luossatie 1a
Vuohčču: Vuohču skuvla, Ivalontie 8716
Olbmot, geat leat sámiid ruovttuguovllus divššus lágádusain sihke dat olbmot, geat leat divššus
ruovttusteaset, ja geat eai earáláhkai sáhtášii jienastit, ožžot dárbbašettiin veahki
dikšunbáikkisteaset jienasteami várás. Áššis galgá váldit oktavuođa válgalávdegotti doaimmahahkii
čuj. Sajos, Menesjärventie 2A, 99870 Anár, tel. 010 839 3189, 010 839 3195, 010 839 3185
dahje
Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Anáris 7.8.2015 Válgalávdegoddi
|
|
Viimeksi päivitetty ( 12.08.2015 ) |