| Helssega ja uudenmaa buohccedikšunbire lea almmustahttán davvisámegielat deprešuvnna iešdikšunprográmma |
|
|
|
Helssega ja Uudenmaa buohccedikšunbire buvttadan Mielenterveystalo.fi –neahttabálvaleapmi lea almmustahttán Davvisámegielat iešdikšunprorámma
(www.mielenterveystalo.fi/depresuvnnaiesdiksun ) mii ela oaivvilduvvon deprešuvnnadávdamearkkain gilládeaddji olbmuide. Prográmma jorgalanbarggus ja projeavttas leamašan mielde maiddái Lappi buohccedikšunbire ja
Sámediggi.
Deprešuvnna iešdikšunprográmma fállá dieđuid deprešuvnnas, ja bargoneavvuid das ceavcima várás. Geavaheaddji sáhttá mannat oppa iešdikeunprográmma čađa dahje válljet heivvolamos beargoneavvuid dan mielde, mat orrot ávkkálaččat. Prográmma sáhttá geavahit iehčanasat, dahje ávkinatnit dan jo gávdnomis leahkki doarjaga /divššu doarjjan. Prográmma sáhttá geavahit vaikko ii livččege deprešuvnna diagnosa. Iešdikšunprográmmas leat golbma oasi:
1. LEANGO ŠLUNDON? 2. RIEVDADEAMI GUVLUI 3. HÁLTI OVDDOSGUOVLLUID
Deprešuvnna iešdikšunprográmmas geavahuvvon metodat vuođđuduvvet dutkojuvvon dihtui ja prográmma ráhkadeamis leamašan mielde skuvlejuvvon hárjáneapmeáššedovdit.
” Deprešuvnna iešdikšunprográmmas ulbmili lea ovddalgihtii eastadit deprešuvnnadávdamearkkaid vearráneami nu ahte geavaheaddji ii dárbbašivččii ohcalit losit divššu ollái. Goitotge maiddái dearvvasvuođasurggi ámmátolbmot sáhtttet geavahit prográmma bargguset doarjjan”, dadjá Mielladearvvasvuođadálu projeaktahoavda Marko Muukka. ”Lea ain dehalut ahte lea fállun ieđguđetlágan modearnnat molssaeavttut, buohkat eai dárbbaš dahje eai hálit mannat ámmátveahki ollái. Jus deprešuvnna dárbbaša eanet intesniiva doarjaga, de HUS:is lea fállun maiddái deprešuvnna neahttaterapiija –prográmma (Suomagielat). Neahttaterapiijai sáhttá oahpistit miehtá suoma doaktára sáttareivviin”. Muukka mielde neahttavuđot veahkehanmetodat leat nannosit lassáneamin: ”Máŋggat ruovttueatnama ja riikkaidgaskasaš doaibmit leat almmustahttán earalágan prográmmaid ja boahtteáiggis leaktu dušše lassána”.
HUS lea ožžon ruhtaministeriija Elektrovnnalaš áššedikšuma ja demokratiija jođálmahttán prográmmas (SADe, www.thl.fi/sadesote) ruhtadeami jagiide 2013 - 2015 Mielenterveystalo.fi-neahttabálvaleami ovddideami ja viiddideami várás.
Lassidieđut,
Marko Muukka projeaktahoavda HUS-Tietohallinto t.050 427 2049 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen.
Pia Ruotsala Má hálddahushoavda Sámediggi p. +358 40 726 2688 Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. |
|
| Viimeksi päivitetty ( 14.08.2015 ) |