Sámedikki sámegiela doaimmahat ollašuhttá webropol- jearahallama sámi giellalága heiveheamis jagiin 2012-2014. 

Jearahallan lea oaivvilduvvon/dárkkuhuvvon daidda virgeoapmahaččaide ja virgeoapmahaččaid bargiide, geaidda sámi giellaláhka heivehuvvo. Vástidanáigi lea čakčamánu loahpa rádjai. Jearahallanskovit leat sáme- ja suomagillii. Jerahallanskovit leat oaivvilduvvon/dárkkuhuvvon gieldda ja gielddaidovttastumiid, stáhta ja almmolaš hálldahussurggiid ja sápmelašoassebeliid bargiide. Buot vástádusat gieđahallojit luhtolaččat.

Sámi giellaláhka (1086/2003) leamašan fámus badjel 10 jagi. Jearahallama ulbmilin lea čielggadit sámegiela geavaheami virgeoapmahašbálvalusain, bargiid sámegiela dáiddu ja sámegielat bálvalusaid viidodaga. Sámediggi čuovvu lága heiveheami ja addá ávžžuhusaid giellaláhkaásahussii gulavaš gažaldagaide sihke bargá álgagiid áican dohkkemeahttun diliid njulgema dihtii. Čielggadusas ráhkaduvvo raporta.

Čielggadusas ja jearahallanskoviin addá lassidieđuid gielladorvočálli Siiri Jomppanen, telefon 010 839 3111.