Davvi-Suoma sosiálasuorggi máhttinguovddáš (Poske) |
![]() |
![]() |
Davvi-Suoma sosiálasuorggi máhttinguovddáš (Poske) lea riikkadási máhttinguovddášfierpmádaga oassi. Riikkadásis máhttinguovddášdoaimma guoskevaš láhka (1230/2001) ja ásahus (1411/2001) leat boahtán fápmui jagi 2002 álggus. Poske lea Lappi universitehta, Sámedikki, Kolpene bálvalanguovddáža gieldaovttastumi ja Oulu guovllu ámmátallaskuvlla ráhkadan soahpamušvuđot organisašuvdna, man stivre ja jođiha ráđđádallangoddi. Poske lea okta oktilaš doaibmaoppalašvuohta, mii čohkiida golmma guovlluguovdasaš doaibmanossodagas: Lappi ja Davvebađaeatnama doaibmanossodagas ja maiddái Sámeossodagas. Sámeossodat vástida sámiid buorredillebálvalusaid ovddideamis, mii lea Davvi-Suoma sosiálasuorggi máhttinguovddáža riikkadási sierrabargu.
Davvi-Suoma sosiálasuorggi máhttinguovddáža bargun lea ovddidit: - olles sosiálasuorggi searválas, máŋggaámmátlaš ja máŋggadoaimmat bálvalanvugiid, bargovugiid, rávvema ja daidda gullevaš geahččalandoaimma, - sosiálasuorggi geavada barggu, skuvlenvuogádagaid ovttasbarggu ja vuođđo-, joatkka- ja dievasmahttinskuvlema, - ođđateknologiija viiddes atnuiváldima sosiálasuorggis, - eanangotti sosiálalaš váikkuhusaid árvvoštallama ja buorredillestrategiijalaš barggu ja maiddái - sámegielat sosiálasuorggi bálvalusaid ovddideami.
Davvi-Suoma sosiálasuorggi máhttinguovddáš Sámeossodat
Davvi-Suoma sosiálasuorggi máhttinguovddáža (Poske) riikkadási sierrabargun lea meroštallon sámegielat álbmoga bálvalandárbbuid vuhtiiváldin dárbbašlaš bargguin. Sámiid buorredillebálvalusaid ovddideapmi, dasa gullevaš dutkan, skuvlen ja árvvoštallan leat sierrasuorgin Poske bargosuorggis. Hálddahuslaččat sámedikki almmolaš doaimmahat oktavuođas doaibmi sámeossodat fuolaha dáid bargguin.
Sámeossodaga doaibmasuorgin leat lagamustá sámeguovlu ja ovttasdoaibmafierpmádahkii gullevaš Davvi-Suoma sosiálasuorggi máhttinguovddáža doaibmaossodagaid lassin gielddat, searvvit, universitehtat ja oahppolágádusat ja lassin sámegielat suorggi bálvalusaid buvttadeaddjit Norggas ja Ruoŧas.
Sámeossodaga ulbmiliin lea dehalaš sámi mánáidbajásgeassima, boarrásiidfuolahusa ja sámi sosiálabarggu ovddideapmi ja maiddái sosiálabálvalusaid sisdoalu ja kvalitehta ovddideapmi nu, ahte bálvalusaid dási ja fállama sáhttá sihkkarastit sámeálbmogii.
Poske doaimmas vuhtiiváldojuvvojit sámedikki ulbmilat sosiála- ja dearvvasvuohtafuolahusas. Sámediggi lea ásahan ulbmilin sosiála- ja dearvvasvuohtasuorggis ahte sámiide dárkkuhuvvon sosiálasuorggi bálvalusat leat plánejuvvon sisdoalu dáfus sámiid iežaset kultuvrra vuolggasajiin, nu, ahte sámiid árbevirolaš árvvut ja eallinvuohki vuhtiiváldojit ja ahte bálvalusat ollašuhttojit sámegielain ja sámiid iešráđđema vuođul. |
|
Viimeksi päivitetty ( 09.12.2010 ) |