Sámi Duodji rs lágida ovttasbarggus Sámikulturguovddáš Sajosiin duodjemárkaniid ja kirpputori Anáris Sajosis lávvardaga 21.11.2015. dmu 10–17.

Vuovdit čoahkkanit márkaniidda Sajosa váldofeaskárii miehtá sámeaetnama. Márkanat leat buorre báiki oahpásmuvvat sámedujiid ođđa ideaidda ja oastit juovlaskeaŋkkaid.

Boađe geahčađit erenomáš gávdnosiid! Joavdelas solju, beallječiŋat dahje mii beare duodji lea nubbái dárbbašmeahttun, muhto dutnje dat sáhttá leat erenomáš gávnnus. Lassin kirpputoris sáhtát gávdnat duodjemateriálaid, ovdamearkan liinniid/gággásiid, láiggiid, silkkiid, náhkiid ded.

Maiddái mánáide lea buđaldeapmi márkaniin! Sámi mánáidkulturguovddáš Mánnu lágida mánáide duodje- ja buđaldanbáji dmu 10.00–12.00. Bájis duddjojuvvo čoavddagilkor. Márkaniid áigge Restauráŋŋa Lyemes lea fállun márkanbiebmu uhcit ja garrasutge nealgái.

Beaivi ii noga vel márkaniidda, muhto márkaniid maŋŋá dmu 17 álgá Kaamosjazz-konsearta Sajosa váldosáles ja lávddi ala loktanit Hilda Länsman ja Wimme Saari.

Lassidieđut

Sámikulturguovddáš Sajos, Anár, t. +358 (0)10 839 3168, sajos(at)samediggi.fi

www.sajos.fi