| Sámediggi almmuha ohcanláhkai hálddahushoavdda virggi |
|
|
|
Hálddahushoavdda váldobargun lea jođihit sámedikki stivrra vuollásažžan sámedikki hálddahusa, ekonomiija ja bargoveaga, ollašuhttit sámedikki mearrádusaid sihke plánet ja ovddidit sámedikki doaimma. Dohkálašvuođagáibádussan lea heivvolaš alit allaskuvladutkkus sihke sámeáššiid ja hálddahusbargguid dovdan. Lassin gáibiduvvo sámegiela dáidu (ásahus 1727/95).
Barggu ceavzilis dikšun eaktuda buorre jođihandáiddu, hárjánumi bargoveahkahálddahusas, návcca gáibideaddji ja vásttolaš bargamii. Ruoŧa/dárogiela ja eaŋgalsgiela máhttu gehččojuvvojit ovdun. Bálká mearrašuvvá sámedikki bálkávuogádaga gáibádusdási II mielde (vuođđobálká 3266,47 euro/mb). Vuođđobálkká lassin máksojuvvojit 24 % sámeguovllu lassi ja bargovásáhuslasit, mat mearrašuvvet bargohárjánumi mielde. Virggi doaibmabáiki lea sámekulturguovddáš Sajosis. Ohcamušaid mildosiiguin galgá doaimmahit sámedikki čállingoddái 15.11.2015 dmu 16.00 rádjai čujuhussii Sajos, 99870 Anár dahje šleađgapoasttain čujuhussii Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. Lassidieđuid addá ságajođiheaddji Tiina Sanila-Aikio, tel. +358(0)50 3001780. Sámedikki doaimmaide sáhttá oahpásmuvvat ruoktosiidduin www.samediggi.fi
Anáris 15.10.2015 Sámediggi |
|
| Viimeksi päivitetty ( 14.10.2015 ) |