| Spr doarju ánne nuorgama láhttovuođa bissovaš forumis |
|
|
|
Sámi parlementáralaš ráđđi lea hui ilus go Sámiráđđi lea válljen evttohit Ánne Nuorgama čuovvovaš Bissovaš foruma árktalaš guovllu ovddasteaddjin. SPR stivra lea mearridan bealistit doarjut Sámiráđi mearrádusa. SPR oainnus dát mearrádusat čájehit ahte Ánne Nuorgam evttohasvuođa duohkin lea olles Sápmi, ja SPR lea hui luohttevaš ahte ná nana doarjagiin sus šaddá Bissovaš foruma lahttu.
Ánne Nuorgam lea áirasiin Sámedikkis ja válljejuvvui vahkku dassái čuovvovaš njeallje jahkái Sámediggái. Son lea doaibman maid Sámi parlamentáralaš ráđi áirasiin ja SPR stivraáirasiin. SPR oaidná ahte sus lea nana vásáhus sihke parlamentáralaš barggus ahte NGO barggus. Sus lea hui viiddis fierpmádat sápmelaččaid, máilmmi álgoálbmogiid muhto maid eiseválddiid gaskkas.
LASSEDIEĐUT: Tiina Sanila-Aikio, SPR sátnejođiheaddji +358 50 3001780 |
|
| Viimeksi päivitetty ( 15.10.2015 ) |