Sámenuoraid dáiddadáhpáhus |
25.2.2016 Jagi 2016 temán lea teáhter FACEBOOK
Sámenuoraid dáiddadáhpáhus ordnejuvvo Anáris Sámekulturguovddáš Sajosis 30. – 31.3.2016. Dáhpáhusa váldotemán lea sámegielat teáhter. Lassin dáhpáhusas leat ee. dánsunbargobájit, maiguin čujuhuvvo juo boahtte jagi dáhpáhussii.
Dáiddadáhpáhus ordnejuvvo vurrolagaid sierra gielddain ja dasa bovdejuvvojit buot sámi mánát ja nuorat sihke buot sámegiela ja sámegielat oahpahusas leahkki mánát ja nuorat.
Lassedieđuid oažžu sámedikki ruovttusiidduin ovdal dáhpáhusa, go dál dáhpáhusbargi lea álggahan iežas barggus. Dáhpáhusas maid dieđihuvvo buot skuvllaide ja bagadeddjiide šleađgapoasttain.
Oassi joavkkuin/Okta joavkku válljejuvvo sámenuoraid ovddasteaddjin riikaviidosaš TEATRIS –dáhpáhussii, mii ordnejuvvo dán vuoru Vasas 27. – 29.5.2016. Vasai válljejuvvo joavku, mas leat unnimustá golbma, 10-25 –jahkásaš nuora, geaid čájálmas bistá 15-60 minuhta. Sámenuoraid dáiddadáhpáhussii ožžot goittot oassálastit buotahkásaš mánát ja nuorat!
Lassedieđuid Nuorra Kultuvra -dáhpáhusas Vásas oaččut dáppe. Sámenuoraid dáiddadáhpáhusas leat seamma njuolggadusat, muhto Anáris Sajosa dáhpáhusas lea iežas luohkká maiddái vuollái 10-jahkásaččaide.
Logo: Tanja Sanila
Sámediggi ordne jahkásaččat ovttas gielddaiguin ja baikkalaš sámeservviiguin sámenuoraid dáiddadáhpáhusa.
Dáiddadáhpáhus ordnejuvvo vurrolagaid sierra gielddain ja dasa bovdejuvvojit buot sámi mánát ja nuorat sihke buot sámegiela ja sámegielat oahpahusas leahkki mánát ja nuorat.
Sámenuoraid dáiddadáhpáhus lea lokten oidnosii máŋga ođđa dáiddára ja oassálastin lea álo leamašan hui viššal. Dáiddadáhpáhus lea oassin riikkaviidosaš Nuorra Kultuvra –fierpmádagas seamma dásis go eará guovlodáhpáhusat miehtá Suoma. Riikkaviidosaš temá (musihkka, teáhter ja dánsa) lassin sámidáhpáhusas lea álo leamašan juoga erenoamáš sámekultuvrii laktáseaddji temá.
Ordnejeaddjiid mielas lea leamašan dehálaš duvdit daid astoáiggedoaimmaid, mat leat sámenuoraide mihtilmasat ja maidda sii eanemustá oassálastet. Danne juoigan ja lávlun leat leamašan dávjjibut temán go eará suorggit. Musihkkateáhter lea maid leamaš bivnnut, nuba bihtáide ráhkkaneapmi gilážiid uhca skuvllain lea mielddisbuktán máŋggalágan sierra astoáiggedoaimmaid. Sámenuoraid dáiddadáhpáhusa ulbmil ii goittot leat čatnat nuoraid dušše árbevirolaš dujiide ja doaimmaide, danin buotlágan dáiddasuorggit leat mielde vurrolagaid.
Govva: Pinja Pieski 2014
Raporta jagi 2015 dáiddadáhpáhusas Ohcejogas. Raporta Soađegilis 2014 - Raportti Sodankylän tapahtumasta 2014 Raporta Heahtás 2013 - Raportti Hetan tapahtumasta 2013 Raporta Sajosis 2012 - Raportti Sajoksen tapahtumasta 2012 Raporta Ohcejogas / Raportti Utsjoen tapahtumasta 2011 Raporta Roavvenjárggas - Raportti Roin tapahtumasta 2010 Sámenuoraid dáiddadáhpáhus 2010: geahča govaid dás. Raporta Vuohču dáhpáhusas / Raportti Vuotson tapahtumasta 2009 Raporta Heahtá dáhpáhusas / Raportti Hetan tapahtumasta 2008 Raporta Ohcejoga dáhpáhusas / Raportti Utsjoen tapahtumasta 2007 Raporta Anára dáhpáhusas / Raportti Inarin tapahtumasta 2006 Raporta Vuohču dáhpáhusas / Raportti Vuotson tapahtumasta 2005
Govva: Tanja Sanila |
|
Viimeksi päivitetty ( 25.02.2016 ) |