Anáris doaibmi Sámekulturguovddáš Sajosa auditorios lea dál vejolaš čájehit digitálafilmmaid. Digitálafilbmaprojektor buktá čuovgabeaktilvuođa ja šearratvuođa Sajosa vilgeššerbmii eanet go dáid guovlluin lea ovdal oidnojuvvon. Áibbas ođđa projektora beassat iskkadit geavadis go eamiálbmogiid filbmaguovddáš Skábma ja filbmariekkis Filbmari ordnejit čájáhusaid juovlamánus!

Sajosa auditorioi lea ásahuvvon 4K-resolušuvnna digitálafilbmaprojektor Barco DP4K-32B, seammálágan filbmaprojektorat gávdnojit ovdamearkan Finnkino stuorámus sáliin, stuorámus gávpogiin. Projektor dahká vejolažžan maiddái ng. HFR-čájáhusaid (60fps 4K-čájáhusat dahje 120fps 2K-čájáhusat) ja maiddái fierpmi bokte dáhpáhuvvan DCP-sirdima, nu ahte juoba vuosttaseahketfilmmaid sáhttá čájehit seammá áigge go dat čájehuvvojit Hollywoodis dahje vaikkeba Guovdageainnus.

Sajosa juo ovdalis erenomáš jietnagullon lea dárkkálmahtton, nu ahte filbmajietna fállá geahččái buoremus vejolaš filbmavásáhusa. Filmmat gehččojuvvojit auditorio vilgesšearpmas, mii lea govdodaga dáfus 12,5 mehtera ja lea olles Suoma viidodagasge oalle viiddis. Projektora boahtit lassin geavahit eará oktavuođain, nugo allaresolušuvnna čuovgagovaid čájeheamis dahje teáhteraid virtuálalávdelágidemiin ja eará visuáliseremis. Buorre čuovgabeaktilvuohta dahká vejolažžan boahttevuođas maiddái 3D-čájáhusaid Sajosis.

Duođalaš iskkadeapmái projektor beassá go eamiálbmogiid filbmafestivála Skábmagovat lágiduvvojit Anáris 21.–25.1.2016. Sajosis doaibmi Filbmariekkis Filbmari loahppajagi prográmma sáhttá dárkkistit Filbmari facebook-siidduin.

Suoma filbmavuođđudus lea dorjon prošeavtta sullii 30 000 euroin.

Lassidieđut

Johanna Alatorvinen, má. márkanastinhoavda, Sámekulturguovddáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 010 839 3109, www.sajos.fi

Joonas Saari, av-teknihkar, Sámekulturguovddáš Sajos, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 040 534 7738, www.sajos.fi

Tarja Porsanger, plánejeaddji, Filbmaguovddáš Skábma, Tämä sähköpostiosoite on suojattu roskapostia vastaan, aseta javascripttuki päälle nähdäksesi osoitteen. , tel. 010 839 3182, www.samediggi.fi